Konstıtýsııa kúni bıyl 30 tamyzda, senbige túsedi. Sondyqtan merekelik demalys dúısenbi, 1 qyrkúıekke aýystyrylyp, bes kúndik jumys aptasyndaǵylar úsh kún qatarynan 30, 31 tamyz jáne 1 qyrkúıekte demalady. Al alty kúndik jumys kestesimen isteıtinder 30 jáne 31 tamyzda ǵana tynyǵyp, 1 qyrkúıekte jumysqa shyǵady. Ekinshi uzaq demalys qazanda bolady.
Respýblıka kúni 25 qazan da senbige sáıkes kelgendikten, bes kúndik jumys aptasyndaǵylar 25, 26 jáne 27 qazanda demalady. Al alty kúndik jumys rejimindegiler 25 jáne 26 qazanda demalyp, 27 qazanda jumys isteıdi.
Mektepterde oqý jyly 2 qyrkúıek, seısenbi kúni bastalady. Bilim mınıstri Ǵanı Beısembaevtyń aıtýynsha, saltanatty jıynnyń naqty kúnin ár mektep óz pedagogıkalyq keńesinde belgileıdi, sondyqtan keıbir bilim ordalary alǵashqy jıyndy 1 qyrkúıekte ótkizýi múmkin.
