Tórt jolaqty ótkelde jaıaý júrginshilerge arnalǵan jolaq pen baǵdarshamdar ornatý kózdelgen. Qurylys 2024 jylǵy qarashada bastalǵan, qazirgi tańda nysannyń 50 paıyzy daıyn. Merdiger uıymnyń dereginshe, jumystar bekitilgen kestege saı júrip jatyr.
«Shymkent – elimizdegi eń qarqyndy damyp kele jatqan qala. Onyń jol jelisi jańǵyrtýdy qajet etedi. Bul ótkel «AMANAT» partııasynyń saılaýaldy baǵdarlamasy aıasynda salynyp jatyr jáne ol – saılaýshylarǵa bergen naqty ýádelerimizdiń biri. Men osy jobanyń baǵdarlamaǵa enýine bastamashy bolyp, qarjy bólinýine yqpal ettim. Qazir qurylys jumystary sátti júrip jatyr, ony ózim jeke baqylaýda ustaımyn», dedi Bolatbek Najmetdınuly.
Sonymen birge, Tilenshın kóshesinde de osyǵan uqsas jol ótkeliniń qurylysy bastalǵan. Onyń ázirligi – 20 paıyz. Eki nysan da 2026 jyldyń sońyna deıin paıdalanýǵa berilmek. Bul jobalar qalanyń shyǵys bóligin ortalyqpen baılanystyryp, kólik aǵynyn qaıta bólýge jáne negizgi magıstralderdiń júktemesin azaıtýǵa múmkindik beredi.
Shymkentte jol jelisin jańartý qarqyny joǵary. 2024 jyldyń qorytyndysy boıynsha joldardyń 75 paıyzy jaqsy nemese qanaǵattanarlyq kúıde bolsa, bıyl bul kórsetkishti 90 paıyzǵa jetkizý josparlanǵan. 2026 jylǵa qaraı uzyndyǵy 1000 shaqyrymnan asatyn 850 kóshege tolyq asfalt tóseledi. Onyń ishinde 540 shaqyrymy bıyl iske asyrylmaq. Sondaı-aq 2025 jyly qalada 32 jańa baǵdarsham ornatylyp, jol belgileri jańartylady, rettelmeıtin ótkelderdiń basym bóligi jaryqtandyrylady.
Depýtattyń óńirge sapary aıasyndaǵy saılaýshylarmen kezdesýleri keshe bastaldy. Ol birqatar mınıstrlikterdiń ókilderimen birge áleýmettik jáne óndiristik nysandardy aralap, turǵyndardy jeke qabyldaýdy josparlap otyr.
