Forýmnyń ashylý saltanatyna Batys Qazaqstan oblysynyń ákimi Narıman Tóreǵalıev, QR Parlamenti Májilisiniń Agrarlyq komıtettiń tóraǵasy, «Aýyl» partııasynyń tóraǵasy Serik Egizbaev, Qazaqstan Respýblıkasy Premer-Mınıstriniń keńesshisi Eraly Toqjanov, QR Parlamenti Májilisiniń depýtaty Qaraqat Ábden, QR Aýyl sharýashylyǵy vıse-mınıstri Amanǵalı Berdalın jáne mınıstrlikterden ókilder qatysty.
Sonymen qatar forým jumysyna otandyq sarapshylarmen qatar Reseı Federasııasy, Qytaı Halyq Respýblıkasy, Vengrııa, Fransııa jáne Iran Islam Respýblıkasynan kelgen halyqaralyq qonaqtar, ǵalymdar men aýyl sharýashylyǵy salasynyń mamandary qatysýda.
Forým aıasynda qoı sharýashylyǵy ónimderiniń sapasyn arttyrý, jańa tehnologııalardy engizý, mal sharýashylyǵyndaǵy ınnovasııalyq tásilder, ekologııalyq turaqtylyq pen eksporttyq áleýetti keńeıtý baǵyttary keńinen talqylanbaq.
«Memleket basshysy Qasym-Jomart Kemeluly Toqaev óz sózderinde aýyldyń áleýetin arttyrýǵa erekshe nazar aýdaryp keledi jáne 2025 jyldy «Jumysshy mamandyqtary jyly» dep jarııalaǵan bolatyn. Bul bastama – eńbek adamynyń mártebesin kóterip, naqty óndiris pen kásiptik-tehnıkalyq bilim berý salasyna jańa serpin berýge baǵyttalǵan mańyzdy qadam», – dedi oblys ákimi Narıman Tóreǵalıev.
«AUYL FEST. Qoı sharýashylyǵy – 2025» halyqaralyq forýmynda ǵylymı-praktıkalyq konferensııalar, kórmeler, tájirıbe almasý alańdary uıymdastyrylmaq.
Forýmnyń basty maqsaty – aýyl sharýashylyǵy salasyndaǵy yntymaqtastyqty nyǵaıtý, zamanaýı tehnologııalardy engizý arqyly otandyq qoı sharýashylyǵynyń básekege qabilettiligin arttyrý.
