Alǵashqy taımda alań ıeleri oıyn tizginin óz qolyna alyp, esepti jyldam ashty. 15-mınýtta Maksım Kovaldyń qateligin utymdy paıdalanǵan Edmılson buryshtan kelgen dopty baspen torǵa baǵyttady. 37-mınýtta sol Edmılson dýbl avtory atanyp, esepti 2:0-ge jetkizdi. Alaıda úziliske deıin "Elimaı" namysty qoldan bermeı, Ivan Svırıdov bir gol soǵyp, aıyrmashylyqty qysqartty — 2:1.
Ekinshi kezeńde almatylyqtar shabýyldy kúsheıtkenmen, Semeı komandasy qarymta shabýylmen jaýap qatty. 62-mınýtta Fessý Plakka tarazy basyn teńestirse, 83-mınýtta ol taǵy da kózge túsip, matchtaǵy sheshýshi goldy soqty — 2:3.
Osy jeńistiń arqasynda "Elimaı" 35 upaı jınap, týrnır kestesinde tórtinshi orynǵa kóterildi. Al "Qaırat" 43 upaımen kósh basynda qaldy.
"Qaırat" — "Elimaı" 2:3 (2:1)
Goldar: Edmılson 15 (1:0), Edmılson 37 (2:0), Svırıdov 45 (2:1), Plakka 62 (2:2), Plakka 83 (2:3).
