Qordaı aýylyndaǵy «Samal» shaǵynaýdanynda jáne «Jibek joly» kóshesiniń boıynda ornalasqan eki shaǵyn fýtbol alańy memlekettik bıýdjet esebinen salynǵan. Turǵyndardyń ótinishi negizinde salynǵan jańa alańdar qysqa merzimde paıdalanýǵa berilip otyr.
Nysannyń ashylý saltanatyna Qordaı aýdandyq máslıhatynyń tóraǵasy N. Sadyqov, Qordaı aýyldyq okrýginiń ákimi Á. Qaspaqbaev, aýdandyq aqsaqaldar keńesiniń músheleri jáne aýyl turǵyndary qatysty. Jaqyn kúnderi Qordaı aýylyndaǵy «Batys» shaǵynaýdanynda taǵy bir fýtbol alańy ashylady.
2025 jyldyń basynan beri aýdandaǵy Kógadyr, Kóktóbe, Sarybastaý, Sortóbe jáne Aýqatty aýyldarynda birneshe kishi fýtbol jáne strıtvorkaýt alańdary iske qosyldy. Barlyq nysandar memlekettik bıýdjet esebinen qarjylandyrylyp, turǵyndardyń salaýatty ómir saltyn ustanýyna qolaıly jaǵdaı jasalýda.Nátıjesinde, aýdanda sportpen júıeli túrde aınalysatyn turǵyndar sany 41 paıyzǵa artty.
Jambyl oblysy
