Foto: reuters.com
Belgradta da jaǵdaı shıelenisti. Narazylar qoqys jáshikterin órtep, polısııaǵa tas pen bótelke laqtyrdy. Polısııa gaz qoldandy, biraq zardap shekkender jaıly málimet áli berilgen joq.
Buǵan deıingi kúnderi 30 qalada bolǵan qaqtyǵystarda 42 polıseı jaralanǵan, 37 adam qamaýǵa alynǵan. Novı-Sadta da partııa keńsesi basyp kirgender tarapynan búlingen. Ishki ister mınıstri Ivısa Dachıch jaǵdaıdy «memleketke qarsy shabýyl» dep baǵalap, qatań sharalar qabyldaýdy talap etti.
Prezıdent Výchıch quqyq qorǵaý júıesine reforma jasaıtynyn aıtyp, tártipsizdikterge qatysqandardyń kóbirek ustala bastaǵanyn málimdedi. Buǵan deıin ol «azamattyq soǵysqa jol bermeý úshin Belgrad pen Novı-Sad kóshelerin buzaqylardan tazartý qajet» degen bolatyn.
Tolqýlardyń basty sebebi – 2024 jylǵy 1 qarashada Novı-Sadtaǵy vokzaldyń jańa salynǵan beton jabyny qulap, 16 adamnyń qaza tabýy. Bul oqıǵa bılikke degen senimsizdikti kúsheıtip, elde sońǵy onjyldyqtaǵy eń iri narazylyqtarǵa túrtki boldy. Qoǵamdyq pikirde tragedııaǵa sebep retinde jemqorlyq pen qurylys salasyndaǵy jaýapsyzdyq ataldy.
Oqıǵadan keıin qurylys mınıstri Goran Vesıch otstavkaǵa ketip, keıin ózi jáne taǵy onnan astam adam qamaýǵa alynǵan. Qańtarda premer-mınıstr Mılosh Výchevıch qyzmetinen bosatyldy, al naýryzda jańa úkimetti professor Djýro Masýt basqardy.
