Ekonomıka • 18 Tamyz, 2025

Interpol kómegimen shetelge shyǵarylǵan aktıvter izdestiriledi

80 ret

kórsetildi

1 mın

oqý úshin

Elimiz endi shetel asqan zańsyz aktıvterdi izdeýde jańa quraldy paıdalana bastady, dep jazady Egemen.kz.

Abzal MAQASh

Interpol kómegimen shetelge shyǵarylǵan aktıvter izdestiriledi

Bas prokýratýranyń málimetinshe, Interpoldyń kómegimen aktıvterdi izdeý jáne qaıtarýdyń jańa tetigi engizilip, elimizge alǵashqy «kúmis habarlama» joldanǵan.

Bul habarlamanyń máni zor. Tek adamdy emes, zańsyz shyǵarylǵan qarajat pen múlikti de halyqaralyq deńgeıde izdestire alady.

«Atalǵan qural Interpol tizimindegi 196 memleket arasynda zańsyz ıemdengen aktıvter jaıly aqparat almasýǵa múmkindik beredi. Ol jyljymaıtyn múlik pen qarjy aınalymy týraly derekterdi baqylaýǵa jol ashady», delingen Bas prokýratýra habarlamasynda.

Buǵan deıin Interpol negizinen qylmyskerlerdi, ıaǵnı izdeýde júrgen tulǵalardy tirkeýmen shektelse, endi bul mehanızm aktıvterge de qoldanylady. Iаǵnı, qashyp ketken qarjyny, jasyrylǵan múlikti, ofshordaǵy qarajatty baqylaýǵa alýǵa bolady.

Qazaqstandaǵy Aktıvterdi qaıtarý komıteti bul pılottyq jobaǵa ótken jyly qosylyp, Interpoldyń arnaıy jumys tobyna múshe bolǵan. Qazir top quramynda Ulybrıtanııa, Ispanııa, Italııa, Katar, Qytaı, Kýveıt, Nıderlandy, Polsha, Portýgalııa, Reseı, Sıngapýr, AQSh, Fransııa, Shvesııa syndy 50 el bar.

Eske salsaq, 2022 jyldan beri Qazaqstan zańsyz shyǵarylǵan aktıvterdi qaıtarý isin qolǵa alǵan. Úsh jyldyń ishinde memleketke 1 trln 130 mlrd teńgeden astam qarjy men múlik qaıtaryldy. Qarajattyń basym bóligi BAÁ, Túrkııa, Avstrııa men Lıhtenshteınnen jetkizilgen.