Sýret: sxodim.com
Trendtegi elderdiń qataryna elimizben birge Ázerbaıjan, Grýzııa, О́zbekstan, Qyrǵyzstan, Armenııa kirgen. Bul memleketter vızalyq rejimniń qolaılyǵymen erekshelenedi. «Gulf times» basylymy osyndaı, qysqa qashyqtyqqa saıahattaýdyń tanymaldylyǵy arta túskenin jazady. Onyń ishinde ekspatrıanttar arasynda vızalyq jeńildikter usynatyn elderge barýǵa suranys kóbeıgen. Sol turǵyda, bizdiń elden bólek, Grýzııa, Ázerbaıjan, Mysyr, Iordanııaǵa sapar týrısterge tanymal bola túsken.
Jaqynda jazǵy maýsymda barýǵa bolatyn 15 trendtik baǵyt jarııa etildi. Elimizdiń BAÁ týrısteri arasynda tanymal bolýyna mádenı mura men tabıǵı landshafttardyń alýan túrliligi, eń bastysy, qoljetimdiligi áser etken. «Middle East Economic» basylymynda elimiz Ortalyq Azııadaǵy eń iri zamanaýı qalalar men biregeı tabıǵı landshaftardyń, baı mádenı muranyń ortalyǵy retinde sıpattalǵan. Elordamen qatar Almatydaǵy «Medeý» muz aıdyny, «Shymbulaq» taý kýrorty, «Sharyn» shatqaly, «Kólsaı» kóliniń tartymdylyǵy týraly jazylǵan. Osyǵan qosa «Altyn-Emel» ulttyq parki, Túrkistandaǵy Qoja Ahmet Iаsaýı kesenesi jazǵy maýsymda saıahattaýǵa qolaıly baǵyttardyń qataryna engen.
