Qazaqstan men О́zbekstan arasyndaǵy parlamentaralyq dıalog qarqyndy qanat jaıyp keledi. Tek bıyldyń ózinde eki el Parlamentteriniń basshylary túrli alańda birneshe márte kezdesý ótkizdi.
Joǵary deńgeıdegi kelissózder búgin О́zbekstan Respýblıkasy Olıı Májilisi Senaty tóraǵasynyń Qazaqstanǵa resmı sapary aıasynda jalǵasyn tapty. Kezdesýde Erlan Qoshanov ózbek halqyn kele jatqan Táýelsizdik kúnimen quttyqtap, baýyrlas aǵaıynǵa baq-bereke tiledi.
– Búginde elderimiz arasyndaǵy kún tártibiniń mazmuny artyp keledi. Yntymaqtastyǵymyz strategııalyq seriktestik pen odaqtastyq rýhynda qarqyndy damyp keledi. Bul – árıne, bizdiń Prezıdentterimizdiń eren eńbeginiń nátıjesi, – dedi E.Qoshanov.
Strategııalyq áriptestik Parlament deńgeıinde de serpindi jalǵasyp keledi. Parlamentaralyq baılanys – eki el basshylarynyń kelisimderin iske asyratyn mańyzdy tetiktiń biri. Sondyqtan depýtattar buǵan erekshe mán berip, tyǵyz baılanysta jumys atqaryp jatyr.
– Kóshbasshylarymyzdyń kezdesýleriniń qarqyny men nátıjeliligi parlamentaralyq baılanysymyzdyń sıpatyn aıqyndaıdy. Shavhat Mırzııoevtiń bizdiń elge jasaǵan 2021 jylǵy sapary barysynda Prezıdentterimiz barlyq ýaǵdalastyqtyń oryndalýyn parlamentter baqylaýy kerek degen ortaq pikirge keldi. Sóıtip, Parlamentaralyq yntymaqtastyq keńesin qurý týraly sheshim qabyldandy. Búgingi tańda Keńes tıimdi jumys atqaryp otyr. Biz Tashkentte jáne Almatyda keńestiń eki otyrysyn ótkizdik. Prezıdentterimizdiń arasyndaǵy barlyq kelisim parlamentshilerdiń baqylaýynda. Jalpy, depýtattarymyzdyń ár kezdesýi ekijaqty qarym-qatynasty nyǵaıtýǵa erekshe qarqyn berýde, – dedi E.Qoshanov.
О́z kezeginde, Tanzıla Narbaeva qonaqjaılyq tanytqany úshin elimiz tarapyna zor alǵysyn aıtyp, ekijaqty parlamentaralyq baılanys nyǵaıa beretinine senim bildirdi.
– Kóptegen másele boıynsha bizdiń kózqarasymyz uqsas. Jáne únemi bir-birimizdi qoldap kelemiz. Prezıdentterimiz de birdeı baǵyt ustanady. Ol – azamattarymyzdyń jaıly ómir súrýi úshin jaǵdaı jasaý, beıbitshilik, qaýipsizdik pen turaqtylyqty qamtamasyz etý. Kóshbasshylarymyz eki el arasyndaǵy taýar aınalymyn 2030 jylǵa qaraı 10 mlrd dollarǵa jetkizý jóninde aýqymdy mindet qoıdy. Oǵan barlyq múmkindik bar. Bizdiń maqsatymyz – Prezıdentterimizdiń kelisimderin iske asyrý úshin zańnamalyq negiz qalyptastyrý, – dedi Tanzıla Narbaeva.
