Foto: Almaty ákimdigi
Is-sharaǵa TMU bas hatshysy Kýbanychbek Omýralıev, QR Mádenıet jáne aqparat mınıstri Aıda Balaeva, Almaty qalasynyń ákimi Darhan Satybaldy jáne TMU-ǵa múshe elderdiń belsendi jastary qatysty.
Memleket basshysy Qasym-Jomart Toqaev arnaıy quttyqtaý hatyn joldady.
«Almaty – azattyǵymyzdyń altyn besigi, jasampaz jastardyń qutty mekeni. О́rkenıetimizdiń órisin keńeıtýge ólsheýsiz úles qosqan kóptegen uly tulǵalarymyz osy qalada ósip-óngen. Shyn máninde, tól mádenıetimizdiń temirqazyǵyna aınalǵan shejireli shahar qazaq eliniń ǵana emes, túrki memleketteriniń de rýhanı ordasy sanalady», delingen quttyqtaý hatynda.
Saltanatty is-shara aıasynda baýyrlastyqtyń, senim men jańa múmkindikterdiń nyshanyna aınalǵan jastar astanasy kiltin 2024 jylǵy jastar astanasy - Lenkoran qalasy, Ázerbaıjan eliniń ókilderi Almaty jastaryna tabystap, baýyrlastyq estafetasyn jalǵady.
Aıta keteıik, halyqaralyq festıval QR Mádenıet jáne aqparat mınıstrliginiń jáne Almaty qalasy ákimdiginiń qoldaýymen ótip jatyr.
Festıval eki kúnge jalǵasyp, Túrki memleketteri uıymyna múshe – Qazaqstan, Ázerbaıjan, Qyrǵyzstan, Túrkııa jáne О́zbekstannan kelgen delegattar jastar saıasaty, kásipkerlik, azamattyq belsendilik jáne áleýmettik bastamalardy damytý tájirıbelerimen bólisedi.
Sondaı-aq jas kóshbasshylar men kásipkerlerdiń kezdesýi ótedi.
