Qaıǵyly oqıǵa 15 tamyzda oryn aldy, biraq ol týraly búgin ǵana belgili boldy. Astana qalalyq polısııa departamentiniń málimetinshe, 22 jastaǵy qyzdyń ólimine qatysty qylmystyq is qozǵaldy.
«Qazirgi ýaqytta bolǵan oqıǵanyń barlyq mán-jaıyn anyqtaý boıynsha jumys júrgizilip jatyr», dep atap ótti polısııa.
Nazarbaev Ýnıversıtetiniń baspasóz qyzmeti qaıǵyly oqıǵanyń kampýs aýmaǵynda bolǵanyn rastady.
«Ýnıversıtet marqumnyń otbasy men jaqyndaryna shyn júrekten kóńil aıtady. Barlyq qajetti sharalar oryndalyp jatyr: jedel qyzmetter men quqyq qorǵaý organdary tartylyp, marqumnyń týystaryna psıhologııalyq qoldaý kórsetilip jatyr», dep habarlady ýnıversıtettiń baspasóz qyzmeti.
Aıta keteıik, bul Nazarbaev Ýnıversıtetinde jaz mezgilinde oryn alǵan ekinshi qaıǵyly jaǵdaı. Buǵan deıin 18 maýsymda stýdent qyzdyń jataqhanadan óli tabylǵany anyqtalǵan edi.
