Foto: Sý resýrstary jáne ırrıgasııa mınıstrligi
2023 jyly basseın ınspeksııalarynyń shtaty 98-den 281 adamǵa deıin ósti. Sondaı-aq elimizdiń 10 óńirinde kommýnaldyq gıdrotehnıkalyq qurylysjaılardy paıdalaný jáne basqarý jónindegi mamandandyrylǵan mekemeler quryldy. Búginde onda 1 197 maman eńbek etip jatyr.
2025 jyl bastalǵaly «Qazsýshar» RMK-nyń 425 maýsymdyq qyzmetkeri turaqty jumysqa ornalastyrylǵan. Sonymen qatar túrli óńirlerde gıdrotehnıkalyq nysandardy qalpyna keltirý jáne salý jobalaryn júzege asyrý barysynda 892 turaqty jumys ornyn qurý josparlanyp otyr.
Sala mınıstri Nurjan Nurjigitovtiń aıtýynsha, Memleket basshysynyń tapsyrmalaryn oryndaý maqsatynda mınıstrlik sý salasyna jańa bilikti kadrlardy tartý baǵytynda belsendi jumys júrgizip keledi.
«Sondaı-aq mamandardyń eńbek jaǵdaıyn jaqsartý sharalary qolǵa alynyp jatyr. Máselen, sý salasy qyzmetkerleriniń biliktiligin arttyrý jáne qaıta daıarlaý, sonymen qatar olardyń jalaqysyn energetıka salasyndaǵy mamandar deńgeıine jetkizý máselesi sheshimin tapty», dedi N.Nurjigitov.
