Sýbsıdııalanatyn jumys oryndaryna mansap ortalyqtary arqyly 129,8 myń adam jiberilgen. Onyń ishinde: áleýmettik jumys oryndarynda 11,5 myń, jastar praktıkasynda 9,1 myń, qoǵamdyq jumystarda 91,7 myń adam «eki qolǵa bir kúrek» tapqan. Al «Kúmis jas» jobasy aıasynda 14,8 myń, «Alǵashqy jumys orny» jobasymen 2,6 myń, sondaı-aq «Urpaqtar kelisimshartymen» 90 adam jumyspen qamtyldy. Eńbek naryǵyndaǵy suranysqa ıe daǵdylar boıynsha onlaın oqytý kýrsyna 48,5 myń jumyssyz tirkelip, onyń ishinde 45,3 myńy oqýdy aıaqtady.
«Bastaý Bıznes» jobasynda kásipkerlik negizderine oqytýmen 34,6 myń adam qamtylyp, 19 myń kásip bastaýshy oqýdy aıaqtap, sertıfıkat aldy.
Jumys berýshilerdiń ótinishi negizinde kásiptik oqytýǵa 4 610 adam jiberildi, onyń ishinde 834 adam oqýdy aıaqtaǵan. Budan basqa, qyzmet salasyn tańdaý maqsatynda kásiptik ortalyqtarda 224,3 myń adam áleýmettik kásiptik baǵdarlaýdan ótip, keńes berý qyzmetterine júgindi.
Azamattardy jumysqa ornalastyrý birneshe baǵytta júzege asyp, eńbekpen qamtylǵandarǵa mindetti zeınetaqy jarnalary aýdarylady. Qańtar-shilde aılary aralyǵynda halyqty jumyspen qamtýǵa járdemdesýdiń belsendi sharalary sheńberinde – 129,8 myń; Elektrondyq eńbek bırjasynda jumys berýshiler ornalastyrǵan bos oryndarǵa – 86,2 myń; Memleket basshysynyń «10 myń turǵynǵa 100 jumys orny» bastamasy sheńberinde – 66,3 myń; ortalyq memlekettik organdar iske asyratyn jobalar sheńberinde – 9,9 myń adam jumys tapty. Sonymen qatar osy jyly halyqtyń áleýmettik osal sanattaryna jańa bıznes-bastamalardy júzege asyrý úshin 400 AEK-ke deıin (1 572 800 teńge) 9 myń grant berý kózdelgen. Birinshi lekte 4,2 myń grant berildi. 11 tamyzdan bastap «Business.Enbek» portalynda 2-lekke úmitkerlerden ótinishterdi qabyldaý bastaldy.
