Qazaqstanda densaýlyq saqtaý salasyn damytýǵa basymdyq berilip, kadr daıarlaýdy kúsheıtý, dári-dármek baǵasyn tómendetý jáne sıfrlyq transformasııany ilgeriletý sharalary júzege asyrylyp jatyr.
Ásirese kadr tapshylyǵyn joıýǵa erekshe nazar aýdarylyp otyr. «Pedıatrııa» mamandyǵy qaıta engizilip, óte tapshy 14 balalardy emdeý mamandyǵy boıynsha rezıdentýra ashyldy.
Densaýlyq saqtaý mınıstri Aqmaral Álnazarovanyń aıtýynsha, medısınalyq bilim berýdi kúsheıtip, naýqastardy jeke qabyldaýǵa basymdyq berý arqyly meıirbıkelik tájirıbe damytylady. Bul rette úzdiksiz kásibı biliktilikti arttyrý sımýlıasııalyq ortalyqtary men qashyqtan oqytý platformalary qoldanysqa engiziledi.
2025 jyly medısınalyq joǵary oqý oryndarynyń túlekteri 11 600 mamandy qurady. Olardyń úshten ekisi óńirlerdegi medısınalyq uıymdarǵa joldanǵan. Jas dárigerlerdi aýyldyq jerlerge tartý úshin memleket tarapynan qoldaý sharalary qarastyrylǵan. Memleket basshysynyń tapsyrmasymen asa tapshy mamandyq boıynsha aýylǵa barǵan dárigerlerge 8,5 mıllıon teńge kóleminde áleýmettik tólem bólinedi.
Bul qadamdar elimizdegi medısınalyq kadr tapshylyǵyn joıýǵa jáne halyqqa sapaly medısınalyq qyzmet kórsetýdi qamtamasyz etýge múmkindik beredi.
