Shaǵyn jáne orta bıznes

Ony memlekettik qoldaýdyń tıimdi joldary talqylandy Parlament Senaty Ekonomıkalyq saıasat, ınnovasııalyq damý jáne kásipkerlik komıteti depýtattarynyń Ulttyq kásipkerler palatasy basshylyǵymen kezdesýinde Qazaqstan Prezıdentiniń «Nurly Jol – bolashaqqa bastar jol» halyqqa Joldaýyn iske asyrý aıasynda shaǵyn jáne orta bıznesti memlekettik qoldaý jáne iskerlik belsendilikti yntalandyrýdyń tıimdi sharalary máseleleri talqylandy. Talqylaýǵa qatysýshylarǵa arnaǵan sózinde Ekonomıkalyq saıasat, ınnovasııalyq damý jáne kásipkerlik komıtetiniń tóraǵasy Talǵatbek Abaıdildın Memleket basshysy alǵa qoıǵan strategııalyq mańyzdy mindetterdi: 2050 jylǵa qaraı respýblıka ekonomıkasyndaǵy shaǵyn jáne orta bıznestiń úlesin eki ese ulǵaıtý jáne 50 paıyzǵa jetkizý qajettigin atap ótti. T.Abaıdildın bul mindetterdi iske asyrý úshin memleket qolaıly isker ahýal qalyptastyrý jáne bıznesti júrgizý úshin ákimshilik kedergilerdi joıý jónindegi júıeli jumystar júrgizilip kele jatqanyn atap kórsetti. Qazaqstan Respýblıkasy Parlamentiniń Senaty óz qyzmetinde osy máselelerdi quqyqtyq turǵyda qamtamasyz etýdegi qyzmetine erekshe nazar aýdarylatyny aıtyldy. 2014 jyly «Qazaqstan Respýblıkasynyń keıbir zańnamalyq aktilerine Qazaqstan Respýblıkasyndaǵy kásipkerlik qyzmet úshin jaǵdaıdy túbegeıli jaqsartý máseleleri boıynsha ózgerister men tolyqtyrýlar engizý týraly» Zań qabyldandy. Odan basqa, «Ulttyq kásipkerler palatasy týraly» Zań da qabyldandy. Kásipkerlik qyzmet sapasyn retteıtin quqyqtyq bazany odan ári jetildirý máselelerine qatysty senator qazirgi kezde Parlamentte Kásipkerlik kodeksiniń jobasy keńinen talqylanyp jatqanyn, onda qazaqstandyq kásipkerlik qyzmettiń jáne memleketpen ózara is-qımylynyń negizgi qaǵıdalary bekitilgenin aıtty. «Bıznesti damytýǵa kedergi keltiretin kóptegen máseleler osy zańnamalyq aktini qabyldaǵannan keıin óziniń sheshimin tabatynyna senemin. Sonymen qatar, Eýrazııalyq ekonomıkalyq odaq jáne osyǵan baılanysty kórshi eldegi taýar óndirýshilermen básekelestik jaǵdaıynda qazaqstandyq taýar óndirýshilerdi qoldaý máselelerin talqylaý oryndy», dedi T.Abaıdildın. Shaǵyn jáne orta bıznesti qoldaýdaǵy daǵdarysqa qarsy sharalar týraly baıandaı kelip, Abylaı Myrzahmetov Ulttyq kásipkerler palatasy birqatar sharalardy, atap aıtqanda, ishki naryqty qorǵaý jónindegi jekelegen sharalardy, bıýdjettik uıymdarǵa, ulttyq kompanııalarǵa jáne iri jer qoınaýyn paıdalanýshylarǵa taýarlar, jumystar jáne qyzmet kórsetýler satyp alýda jergilikti ónimder deńgeıin ulǵaıtý, Tapsyrystarmen qamtamasyz etý ortalyǵyn qurý, tabıǵı monopolııalar sýbektilerine qyzmet kórsetý tarıfterin 2014 jylǵy deńgeıde saqtaý, AО́K kásiporyndaryn qoldaýdy usynyp otyrǵanyn aıtty. Agroónerkásip keshenindegi kásipkerlerdiń ózekti máseleleri týraly Ulttyq kásipkerler palatasy Agroónerkásip komıtetiniń tóraǵasy Ivan Saýer habardar etti. Ol ınvestısııalyq salym jasaǵan kezde agroónerkásip kesheniniń sýbektileri joǵaltatyn shyǵystaryn qaıtarýdy sýbsıdııalaý máselelerin kóterdi. Kezdesý sońynda senatorlar usynystardy zańnamalyq deńgeıde jedel túrde iske asyrýǵa jan-jaqty járdemdesýge ázirligi týraly aıtty, dep habarlady Senattyń baspasóz qyzmeti.