Foto: freepik.com
Úkimettiń baspasóz qyzmetiniń málimdeýinshe elimizde jalǵan tirkeýlermen kúresý maqsatynda iske qosylǵan pasıentterdi sıfrlyq sáıkestendirý jobasy nátıjesinde bıýdjetke 4,7 mlrd teńge únemdeldi. Face ID tehnologııasyn qoldaný negizsiz kórsetilgen medısınalyq qyzmetter sanyn 6%-ǵa qysqartýǵa múmkindik bergen.
Sonymen qatar eń joǵary suranysqa ıe 8 medısınalyq anyqtama túri sıfrlandyryldy:
- 073/ý «Kólik quralyn basqarýǵa ruqsat berý»,
- 075/ý «Medısınalyq anyqtama»,
- 052-2/ý «Balanyń densaýlyq pasporty»,
- 026/ý «DKK qorytyndysy»,
- 069/ý «Sanatorıı-kýrorttyq karta»,
- 076/ý «Qarý ustaýǵa ruqsat alý»,
- 038/ý «Ýaqytsha eńbekke jaramsyzdyq týraly anyqtama».
Jyl basynan beri aqparattyq júıelerde 4,7 mln-nan astam osyndaı qujat tirkeldi. Qazirgi ýaqytta «eńbekke jaramsyzdyq paraqtaryn» qaǵaz túrinde qoldanýdy tolyqtaı alyp tastaý jumystary júrgizilip jatyr. Medısınalyq aqparattyq júıelerdiń fýnksıonaly ońtaılandyrylyp, medısına qyzmetkerlerine túsetin júkteme 40%-ǵa deıin azaıdy. Mańyzdy qadamdardyń biri – bıylǵy jyldyń qyrkúıeginen bastap jasandy ıntellekt negizindegi «dáriger kómekshisin» engizý, bul dıagnostıka úderisin ońtaılandyrýǵa jáne qatelikterdi barynsha azaıtýǵa múmkindik beredi.
