Is-sharaǵa Premer-mınıstr Oljas Bektenov, Prezıdent Ákimshiliginiń basshysy Aıbek Dádebaı, Ulttyq bank tóraǵasy Tımýr Súleımenov, Joǵary aýdıtorlyq palata tóraǵasy Álıhan Smaıylov, Premer-mınıstrdiń orynbasary – Ulttyq ekonomıka mınıstri Serik Jumanǵarın jáne basqa da laýazymdy tulǵalar qatysty.
Ulttyq ekonomıkanyń qazirgi jaı-kúıi men damý perspektıvasy, sondaı-aq 2026-2028 jyldarǵa arnalǵan respýblıkalyq bıýdjettiń parametrleri týraly baıandamalar jasaldy.
Talqylaý barysynda Memleket basshysy respýblıkalyq jáne jergilikti deńgeıde qarjyny tıimdi josparlaý men bólýdiń mańyzy zor ekenin atap ótti.
Prezıdent bıýdjettiń teńgerimdiligin qamtamasyz etýge, barlyq áleýmettik mindettemeler men óńirlerdiń uzaqmerzimdi josparlaryn qarjylandyrýǵa, sonymen qatar qarajatty maqsatqa saı bólýge jáne ıgerýge basa nazar aýdarý qajet dep sanaıdy.
