2024 jyly qos memleket arasyndaǵy taýar aınalymy 9,2%-ǵa ósip, $43,8 mlrd-qa jetken edi. Bıylǵy kórsetkish eki el arasyndaǵy ekonomıkalyq baılanystardyń turaqty damyp kele jatqanyn ańǵartady.
Mınıstrlik málimetinshe, Qazaqstan tarapy Qytaıǵa birqatar jańa usynys jasady. Atap aıtqanda, otandyq ónimderdi QHR naryǵyna tıimdi shyǵarý úshin ımporttyq kedendik bajdardy tómendetý máselesin kóterdi. Sonymen qatar, Qytaıdyń iri onlaın-saýda alańdarynda Qazaqstan ulttyq pavılondarynyń aıasyn keńeıtý usynyldy.
Pekınde ótken Saýda jáne ıntegrasııa mınıstri Arman Shaqqalıev pen QHR Kommersııa mınıstri Van Ventao arasyndaǵy kezdesýde saýda salasyn damytýǵa qatysty naqty baǵyttar talqylandy. Taraptar qazaqstandyq óńdelgen ónimder men joǵary qosylǵan qundy taýarlardy eksporttaý, kedendik rásimderdi sıfrlandyrý, elektrondyq kommersııany óristetý jáne DSU aıasyndaǵy kedergilerdi joıý máselelerin qarastyrdy.
Al Qytaı tarapy óńirlik áriptestikti keńeıtýge daıyn ekenin bildirdi. Al Qazaqstan 2024 jyldan beri alty saýda mıssııasyn ótkizdi. Olar Nankın, Chendý, Úrimshi, Sıan, Chýnsın jáne Gýanchjoý qalalarynda uıymdastyrylyp, Szıansý, Sychýan, Hýnan, Shandýn, Shensı jáne Gýandýn provınsııalarynyń bıznes ókilderimen jáne jergilikti bılikpen baılanys ornatyldy.
Qazaqstan men Qytaı arasyndaǵy saýda qarym-qatynasy jyldan jylǵa artyp keledi. Sarapshylardyń pikirinshe, kedendik bajdardy tómendetý jáne e-commerce salasynda yntymaqtastyqty arttyrý eki eldiń ekonomıkalyq seriktestigin jańa deńgeıge shyǵarady.
