Energetıka • 21 Tamyz, 2025

9 jylý elektr ortalyǵy «qyzyl» aımaqtan «sary» aımaqqa kóshti

90 ret

kórsetildi

1 mın

oqý úshin

Memleket basshysy Qasym-Jomart Toqaev «Ádiletti Qazaqstan: zań men tártip, ekonomıkalyq ósim, qoǵamdyq optımızm» atty Joldaýynda ınfraqurylymǵa qatysty ózekti máselelerdi sheshý qajettigine nazar aýdardy, dep habarlaıdy Egemen.kz Úkimettiń baspasóz qyzmetine silteme jasap.

Aıana TOǴANBEK

9 jylý elektr ortalyǵy «qyzyl» aımaqtan «sary» aımaqqa kóshti

JEO-lardyń tozýyn tómendetý máseleleri Úkimettiń erekshe baqylaýynda. Energetıka mınıstri Erlan Aqkenjenovtiń aıtýynsha, elde aýqymdy jóndeý naýqany júrgizilip jatyr. Bıyl 10 energııa blogyna, 63 qazandyqqa jáne 39 týrbınaǵa kúrdeli jóndeý jumystary josparlanǵan.

«Bul jumys qazirdiń ózinde nátıje berdi. El boıynsha JEO-lardyń ortasha tozýy 61 paıyzǵa deıin tómendedi. О́tken jylytý maýsymynyń qorytyndysy boıynsha 9 JEO qaýipti qyzyl aımaqtan sary aımaqqa, al 3 JEO sary aımaqtan jasyl aımaqqa ótti», dedi E. Aqkenjenov.

Júrgizilip jatqan sharalar qazirdiń ózinde naqty nátıje berip jatyr: qural-jabdyqty jańǵyrtý men jańartý nátıjesinde elimizdegi JEO-lardyń ortasha tozýy 64%-dan 61%-ǵa deıin tómendedi.

Úkimet jyl saıyn tozýdy azaıtý jáne nysandardy qaýipti aımaqtardan qaýipsiz paıdalaný aımaǵyna kóshirý maqsatynda JEO jańǵyrtý baǵdarlamasy júıeli túrde jalǵasatynyn aıtty.