Mundaǵy maqsat – jastar saıasaty salasyndaǵy kadrlyq áleýetti damytý. Akademııa tyńdaýshylary tek teorııalyq bilim alyp qana qoımaı, sonymen qatar ınteraktıvti sabaqtarǵa, naqty jaǵdaılardy taldaýǵa jáne toptyq jumystarǵa qatysady. Bul format jastar resýrstyq ortalyqtarynyń kúndelikti kezdesetin naqty qıyndyqtaryna ıkemdelip, alynǵan daǵdylardy tájirıbede tıimdi qoldanýǵa jol ashady.
Jalpy, bıyl elimizdiń ár óńirinen shamamen 200-ge jýyq JRO qyzmetkerleri biliktilikti arttyrý kýrstarynan ótti. Osylaısha, kásibı damý akademııasy tájirıbe almasýdyń, jańa tásilderdi ázirleýdiń jáne jastarmen jumys isteıtin mamandardyń kásibı qaýymdastyǵyn qalyptastyrýdyń mańyzdy alańyna aınalyp keledi.
Ekinshi lek negizinen daǵdarystyq jaǵdaılarda qazirgi zamanǵy basqarýshylyq jáne kommýnıkasııalyq daǵdylardy qalyptastyrýǵa, jastardyń osal toptarymen jumys isteýdiń tásilderin meńgerýge jáne ınklıýzıvtilik qaǵıdattaryn damytýǵa, analıtıkalyq ádisterdi paıdalaný jáne derekterge súıengen basqarýshylyq sheshimder qabyldaýǵa baǵyttalǵan.
Aıta keteıik, 1 tamyzda Pavlodar qalasynda Memlekettik jastar saıasaty mektebi aıasynda óńirlik semınar-trenıng ótti. Bul is-shara uzaqmerzimdi bilim berý jobasynyń qorytyndy kezeńi boldy. Oǵan Abaı, Shyǵys Qazaqstan, Qaraǵandy jáne Pavlodar oblystarynan jastar resýrstyq ortalyqtarynyń 25 qyzmetkeri qatysty. Oqý trenıngteri barysynda jastarmen jumys isteıtin mamandar sıfrlyq jáne aqparattyq qaýipsizdik salasyndaǵy bilimderin keńeıtti. Sondaı-aq olar jastar saıasaty aıasynda jobalyq basqarýdyń negizderimen tanysty. Budan bólek, qatysýshylar jumys úderisterin ońtaılandyrý úshin jasandy ıntellektiniń áleýetin zerttep, mańyzdy máselelerdi tıimdi sheshýge múmkindik beretin tásilderdi meńgerdi.
Pavlodardaǵy semınar buǵan deıin Qosshy, Shymkent, Almaty, Oral qalalarynda ótken trenıngter serııasynyń qorytyndy kezeńi boldy. Jalpy alǵanda, bilim berý baǵdarlamasynan elimizdiń barlyq óńirindegi jastar resýrstyq ortalyqtarynyń 150-ge jýyq mamany ótti.
Bıylǵy Memlekettik jastar saıasaty mektebiniń negizgi maqsaty – jastar resýrstyq ortalyqtarynyń qyzmetkerleriniń kásibı quzyrettiligin arttyrý, sıfrlyq daǵdylaryn damytý jáne memlekettik jastar saıasatyn jergilikti deńgeıde tıimdi júzege asyrýǵa yqpal etetin ınnovasııalyq quraldardy engizý. Bul óz kezeginde jastardyń ózekti máseleleri men mindetterin sheshýde anaǵurlym serpindi ári sapaly tásilderdi qoldanýǵa negiz qalaıdy.
