Oblystyq polısııa departamentiniń málimetine sáıkes, Qazaqstan men Qyrǵyzstan shekarasy mańynda 31 bas jylqy urlanǵan. Bul qylmysqa baılanysty Kegen aýdanynda 42 jáne 22 jastaǵy eki kúdikti ustalyp, ýaqytsha ustaý ızolıatoryna qamaldy. Keltirilgen jalpy shyǵyn kólemi — 16 800 000 teńge.
— Kúdiktilerge qatysty mal urlyǵy faktisi boıynsha qylmystyq is qozǵaldy. Olardyń basqa da uqsas qylmystarǵa qatysy tekserilip jatyr. Tergeý jalǵasyp jatyr, — dep habarlady oblystyq polısııa departamenti.
Tártip saqshylarynyń aıtýynsha, mal urlyǵy kóbine maldy qaraýsyz, baqylaýsyz jaıyp, qaldyrýdan týyndaıdy.
— Maldy kóbine baqtashysyz, erkin jaıylymǵa jiberedi. Ieleri joǵalǵanyn ańǵarǵanda, mal jaıylymnan alys ketip qaldy dep oılap, ózderi izdeýge kirisip ýaqyt joǵaltady. Al urylardy ustaý men urlanǵan maldy qaıtarýda alǵashqy saǵattar sheshýshi ról atqarady, — dep atap ótti vedomstvoda.
