«Sońǵy jyldary rýhanı baılanysty jandandyrý úshin kóptegen is-shara atqaryldy. Byltyr Astanada qurmetti Prezıdentpen birge Aıkól Manastyń eskertkishin ashtyq. Búgin Bishkekte baýyrlastyǵymyzdyń taǵy bir nyshany – «Dostyqtyń altyn kópiri» eskertkishin ashamyz. Men muny qyrǵyz eliniń qazaq halqyna degen aıryqsha qurmeti dep bilemin. Qurmetti Prezıdentke jáne barsha qyrǵyz halqyna alǵys aıtamyn», dedi Memleket basshysy.
Prezıdent Toqaevtyń sózinshe, byltyrǵy Qyrǵyzstan Prezıdentiniń Qazaqstanǵa sapary aıasynda eki el jastaryn jaqyndastyratyn birqatar ýaǵdalastyqqa qol jetkizilgen. Sonyń nátıjesinde L.N. Gýmılev atyndaǵy Eýrazııa ulttyq ýnıversıtetiniń Osh qalasyndaǵy fılıaly ashylyp jatyr. Sonymen qatar Qazaqstan Úkimeti qyrǵyz stýdentterine 50 grant bólgen.
«Kelesi jyldan bastap grant sanyn 60-qa deıin kóbeıtemiz dep sheshtik», dedi ol.
Sapar aıasynda Bishkekte Qazaqstannyń kıno kúnderi men Úshinshi jastar forýmy ótip jatyr.
Kezdesý barysynda týrızm jáne sport salasyndaǵy yntymaqtastyq máseleleri de talqylandy.
«Kelesi jyly Qyrǵyz elinde VI Dúnıejúzilik kóshpendiler oıyndary ótedi. Dúbirli dodanyń tabysty ótýine tilektespiz, bizdiń jaqtan qoldaý kórsetýge daıynbyz», dedi Prezıdent.
