DDSU málimetinshe dúnıejúzinde 2,4 mıllıardtan astam adam qatty ystyqta jumys isteıdi. Saldarynan óndiristik jaraqat artyp, aýrý-syrqaý kóbeıgen jáne ómir súrý sapasy nasharlaǵan.
«Jumysshylardy qatty ystyqtan qorǵaý – densaýlyq saqtaý salasynyń birinshi kezektegi mindeti ǵana emes, sonymen qatar ekonomıkalyq qajettilik», - dedi Dúnıejúzilik meteorologııalyq uıym (DMU) bas hatshysynyń orynbasary Ko Barrett.
DDSU men DMU 20-dan astan árbir gradýs eńbek ónimdiligin 2-3%-ǵa tómendetetinin jáne qyzmetkerlerdiń densaýlyǵyna qaýipti kúsheıtetinin anyqtady.
Onyń mynadaı saldary bolýy múmkin:
- ystyq ótý;
- aǵzanyń sýsyzdanýy;
- búırek fýnksııasynyń buzylýy;
- nevrologııalyq buzylys.
Jylyna 22,85 mıllıonnan astam ystyqpen baılanysty óndiristik jaraqat tirkeledi.
Dúnıejúzilik densaýlyq saqtaý uıymy úkimetterge, jumys berýshilerge jáne densaýlyq saqtaý organdaryna aptap ystyqta densaýlyq pen eńbek qaýipsizdigin qorǵaý saıasatyn ázirleýdi usynyp otyr. Sondaı-aq halyqtyń osal toptaryna nazar aýdarýǵa, qutqarýshylardy, dárigerler men menedjerlerdi ystyq ótýdiń belgilerin tanýǵa úıretýge jáne osy saladaǵy zertteýler men baǵalaýdy qoldaýǵa shaqyrdy.
