«Syr sulýy» jergilikti aýa raıy men topyraqqa tolyq beıimdelgen. Sondyqtan barlyq agrotehnıkalyq talap oryndalǵan jaǵdaıda gektarynan 80-85 sentnerge deıin ónim alýǵa bolady.
Sonymen qatar ǵylymı-zertteý ınstıtýty Sý resýrstary jáne ırrıgasııa mınıstrligimen birlesip, vengrlik Water Retainer jańa preparatyn synaqtan ótkizip jatyr. Ol topyraqtaǵy ylǵaldy uzaq saqtaýǵa kómektesedi. Bıyl bul preparat Almaty, Jambyl, Qyzylorda, Qaraǵandy, Aqmola jáne Jetisý oblystaryndaǵy egistikterde tájirıbe júzinde qoldanyla bastady.
«Birinshi synaq kezeńinde tórt ǵylymı-zertteý ınstıtýty qatysty. Synaq nátıjesinde preparat kúrishtiń ósý kezeńin qysqartyp, sýdy aıtarlyqtaı únemdeýge múmkindik beretini anyqtaldy. Ádette kúrishke 90 kún boıy sý jiberiledi, al bul preparatty qoldanǵanda bar bolǵany 51 kún sýarý jetkilikti», dedi Sý resýrstary jáne ırrıgasııa mınıstrliginiń Ǵylymı jáne ınnovasııalyq tehnologııalar departamenti dırektory Lázzat Júsipova.
