Foto: Shutterstock
Haınan provınsııasynyń meteorologııalyq stansııasy taratqan derekterge sáıkes, iri taıfýn shamamen saǵatyna 20 shaqyrym jyldamdyqpen Vetnamnyń soltústik jáne ortalyq jaǵalaýlaryna qaraı jyljyp barady. Jeksenbi kúni taıfýn ortalyǵyna jaqyn aımaqta jeldiń maksımaldy jyldamdyǵy Bofort shkalasy boıynsha 14 ballǵa jetip, sekýndyna 45 metrdi quraǵan.
Apattyń aldyn alý úshin Haınan provınsııasynda 20 myńnan astam turǵyn evakýasııalanǵan. Sondaı-aq 30 myńnan astam balyq aýlaý kemeleri porttarǵa oraldy nemese qaýipsiz aımaqtarǵa jasyrynǵan. Sanıa qalasyndaǵy mektepterde sabaqtar ýaqytsha toqtatylǵan. Sonymen qatar kásiporyndar men saýda nysandarynyń jumysy toqtap, qoǵamdyq kólik qozǵalysy men teńiz qatynasy shektelgen.
Vetnamnyń ortalyq provınsııalarynda da bılik barlyq teńiz kólikterine teńizge shyǵýǵa tyıym salǵan. Mamandardyń boljamynsha, 25 tamyz kúni taıfýn Vetnamnyń ortalyq jaǵalaýyna jaqyndaǵan kezde onyń qýaty 11–12 ballǵa deıin jetip, jel ekpini 15 ballǵa deıin (saǵatyna 167–183 shaqyrym) kúsheıýi múmkin.
