Foto: gov.kz
Qazirgi tańda qala boıynsha 207 qoqys úıindisi joıylyp, 270 myń tonnadan astam qoqys shyǵarylǵan. Jumysqa 149-dan astam arnaıy tehnıka jumyldyrylǵan.
- Baıqońyr aýdanynda – 53 úıindi joıylyp, 25 myń tonnadan astam qoqys shyǵaryldy.
- Esil aýdanynda – 54 úıindi joıylyp, 82 myń tonnadan astam qoqys shyǵaryldy.
- Saryarqa aýdanynda – 16 orynnan 19 myń tonna qoqys jınaldy.
- Saraıshyq aýdanynda – 32 úıindi joıylyp, 32 myń tonna qoqys shyǵaryldy.
- Almaty aýdanynda – 28 úıindi joıylyp, 20 myń tonna qoqys shyǵaryldy.
- Nura aýdanynda – 24 núkteden 99 myń tonna qoqys shyǵaryldy.
Aıta keteıik, ruqsat etilmegen oryndarǵa qoqys tastaǵan jeke tulǵalar men kásiporyndarǵa 100-den 1000 aılyq eseptik kórsetkishke deıin (393 200 teńgeden 3 mln 932 myń 200 teńgege deıin) aıyppul salynady.
Ákimshilik jaza qoldanylǵannan keıin bir jyl ishinde qaıtadan quqyq buzýshylyq jasaǵan jaǵdaıda 200-den 2000 AEK-ke deıin (786 400 teńgeden 7 mln teńgeden astamǵa deıin) aıyppul qarastyrylǵan.
2025 jyldyń jeti aıynda Polısııa departamenti qoǵamdyq oryndardy lastaǵany úshin (ÁQBtK 434-2-baby) 11 250 quqyq buzýshyǵa 380 mln teńgeden astam aıyppul salǵan. Sondaı-aq qalany abattandyrý erejelerin buzǵany úshin (ÁQBtK 505-baby) 19 570 adamǵa 34 mln teńge aıyppul salynǵan.
