Oqıǵa 22 tamyz kúni boldy. Kóliktegi polısııa departamentiniń baspasóz qyzmetiniń habarlaýynsha, Túrkistan oblysynyń 48 jastaǵy turǵyny mas kúıinde janjal shyǵarǵan. Ol áýe kompanııasynyń qyzmetkerlerin balaǵattap, ekıpajdyń talaptaryn oryndamaǵan.
- «Aqtóbe-Shymkent» baǵytyndaǵy áýe kemesi komandıriniń aktisine sáıkes polısııa qyzmetkerleri 48 jastaǵy Túrkistan oblysynyń turǵynyn reısten túsirip aldy. Polısııa barǵan kezde de ol bılik ókilderiniń zańdy talaptaryna baǵynbaı, qasaqana qarsylyq tanytqan. Quqyqbuzýshyǵa qatysty Ákimshilik quqyqbuzýshylyq týraly kodekstiń úsh baby, ıaǵnı qoǵamdyq oryndarǵa alkogoldik masań kúıde kelgeni, usaq buzaqylyq jasaǵany jáne quqyq qorǵaý organy qyzmetkeriniń zańdy talabyna baǵynbaý boıynsha ákimshilik hattamalar toltyryldy. Materıal prosessýaldyq sheshim qabyldaý úshin sotqa joldandy, - dep habarlady Kóliktegi polısııa departamentiniń baspasóz qyzmeti.
