2024 jylǵy jeltoqsanda naryqtyń ashyq jumys isteý erejelerin qalyptastyrý úshin «Bırjalyq saýda týraly» zań qabyldandy. Qujat básekelestik ortany damytýǵa baǵyttalǵan.
Zań aıasynda «áleýmettik mańyzy bar bırjalyq taýar» uǵymy engizildi. Saýda jáne ıntegrasııa mınıstri Arman Shaqqalıevtyń aıtýynsha, bul normanyń mańyzy zor:
«Áleýmettik mańyzy bar bırjalyq taýar energetıkalyq jáne azyq-túlik qaýipsizdigin qamtamasyz etý úshin sheshýshi ról atqarady. Bul alypsatarlyqty joıyp, baǵany ashyq belgileýge jáne ishki naryqty turaqty qamtamasyz etýge kepildik beredi», – dedi mınıstr.
Sonymen qatar áleýmettik mańyzy bar taýarlarmen saýda júrgizýge ýákiletti bırjalardy konkýrstyq irikteý tetigi engizildi. Bul affılıırlengen qurylymdardyń paıda bolýyna jol bermeı, barlyq qatysýshyǵa saýda alańdaryna teń qol jetkizýge múmkindik beredi.
