Balalar • 26 Tamyz, 2025

«Balaqaılar mektebinde» 90 myńǵa jýyq bala daıyndyqtan ótti

90 ret

kórsetildi

1 mın

oqý úshin

Jazǵy demalys kezinde birinshi synypqa baratyn balalarǵa birdeı bastapqy múmkindik berý maqsatynda uıymdastyrylǵan «Balaqaılar mektebi» qysqa merzimdi baǵdarlamasy – úlgilik oqý baǵdarlamasynyń baǵyttary boıynsha mektepke aldyn ala daıyndaýǵa múmkindik beredi, dep jazady Egemen.kz.

Shyńǵys MUQAEV

«Balaqaılar mektebinde» 90 myńǵa jýyq bala daıyndyqtan ótti

Foto: Oqu-agartu ministrligi

Atalǵan baǵdarlama memlekettik jalpyǵa mindetti mektepke deıingi tárbıe men bilim berý standartyna sáıkes ázirlengen.

Mektepke deıingi bilim berý departamentiniń dırektory Manar Adamovanyń aıtýynsha jazǵy úsh aı ishinde bastaýysh synyp muǵalimderiniń qatysýymen 90 myńǵa jýyq bala qysqa merzimdi daıyndyqtan ótti. Onyń ishinde qalalarda shamamen 60 myń, aýyldyq jerlerde 30 myńnan astam bala qamtyldy.

«Oqytý barysynda balalardyń fızıkalyq, kommýnıkatıvtik, ıntellektýaldyq, shyǵarmashylyq jáne áleýmettik-emosıonaldy daǵdylaryn damytýǵa, sondaı-aq mektepke oń kózqarasyn qalyptastyrýǵa basymdyq berildi», deıdi M.Adamova.

Aıtalyq baǵdarlama 1 aıǵa eseptelingen. Bilim berý prosesin bilikti bastaýysh synyp muǵalimderi men mektepaldy daıarlyq pedagogteri júrgizdi.