Foto: Ashyq derekkóz
Vıse-premerdiń aıtýynsha, boljam úsh ssenarıı boıynsha jasalǵan: bazalyq, qalypty jáne balama. Negizgi nusqada aldaǵy on jyl ishinde JIО́-niń ortasha jyldyq ósimi 4,5%-dy qurap, 2035 jylǵa qaraı nomınaldy kólemi 473,2 trln teńgege jetedi.
Sondaı-aq qujatta memlekettik bıýdjet kirisi 2035 jyly 66,8 trln teńgege deıin ósetini kórsetilgen. Shıkizat sektoryna táýeldilikti tómendetý úshin Ulttyq qordan kepildendirilgen transfert kólemi 2029 jyldan bastap kezeń-kezeńimen qysqaryp, 2 trln teńge deńgeıinde belgilenedi.
«2035 jyly memlekettik bıýdjettiń kirisi 66,8 trln teńgege deıin ulǵaıady. Kepildendirilgen transfertti 2029 jyldan bastap 2 trln teńgege deıin tómendetý kózdelgen. Bıýdjet tapshylyǵy 2029 jyly JIО́-niń 0,4%-ǵa deıin birtindep tómendeýmen jáne 2030 jyldan bastap nóldik deńgeıge jetýmen aıqyndaldy», dedi Serik Jumanǵarın.
