Ol uzaq merzimdi ekonomıkalyq ósýdi qoldaý úshin Ulttyq Bank sharalar qabyldap jáne ekonomıkany nesıelendirýge banktiń ótimdilik qabiletin tartý jumystaryn jalǵastyryp jatqanyn aıtty.
Korporatıvtik nesıelendirýdi ósirý jáne banktik ótimdilikti Ulttyq Banktiń quraldarynan burý úshin salyqtyq yntalandyrý sharalary Kodeks deńgeıinde kórinis tapty. Salyq sharalary men aqsha-kredıt, prýdensıaldyq retteý quraldarynyń barlyǵy tıimdi sharttar qalyptastyrady. Bankter ótimdilikti tutynýshylyq qaryzdarǵa nemese Ulttyq Banktiń quraldaryna jumsamaı, bıznes jobalarǵa jiberetin bolady.
«Biz elimizdiń makroekonomıkalyq turaqtylyǵy men damýyn qamtamasyz etý úshin Memleket basshysynyń reformalaryn júıeli túrde iske asyramyz. Ulttyq Bank uzaq merzimdi, sapaly jáne ınklıýzıvti ekonomıkalyq ósýge, azamattardyń ál-aýqatyn qoldaýǵa jaǵdaı jasaý maqsatynda baǵa jáne qarjy turaqtylyǵyna basa nazar aýdarady», dep atap ótti Tımýr Súleımenov.Onyń aıtýysha, Memleket basshysynyń tapsyrmasyna sáıkes bıyl Qarjy agenttigimen birlesip qarjy zańnamasyn reformalaý paketi daıyndalyp jatyr. Zańnamada bank sektory, tólemder, baǵaly qaǵazdar naryǵy jáne basqa da máseleler qamtylady. Sondaı-aq, sıfrlyq qarjy aktıvterin retteý, Ulttyq sıfrlyq qarjy ınfraqurylymyn engizý jáne tólem naryǵyn odan ári damytý máseleleri de josparlandy. Bul ekonomıka men azamattardyń ál-aýqatyn damytý jolyndaǵy qarjy sektorynyń úlesin arttyrady.
