Oblys ákimi Berik Ýálı, Qazaqstan Respýblıkasy Ǵylym jáne joǵary bilim mınıstri Saıasat Nurbek, Muhtar Áýezovtiń nemeresi, túrkitanýshy ǵalym Zıfa-Alýa Muratqyzy, Lev Gýmılev atyndaǵy Eýrazııa ulttyq ýnıversıtetiniń rektory Erlan Sydyqov konferensııanyń ashylýynda quttyqtaý sóz sóıledi.
«Memleket basshysy Qasym-Jomart Kemeluly Toqaev «Abaı jáne HHI ǵasyrdaǵy Qazaqstan» atty maqalasynda: «Abaıdy qalaı dáriptesek te jarasady. Onyń ǵıbratty ǵumyry men shynaıy shyǵarmashylyǵy – qazaq halqynyń ǵana emes, jahan jurtyna da úlgi-ónege. Abaıdyń adam men qoǵam, bilim men ǵylym, din men dástúr, tabıǵat pen qorshaǵan orta, memleket pen bılik, til men qarym-qatynas týraly aıtqan oı-tujyrymdary ǵasyrlar ótse de mańyzyn joǵaltpaıdy. О́ıtkeni aqynnyń murasy – búkil adamzat balasynyń rýhanı azyǵy» dep atap kórsetken bolatyn. «Adamzattyń Abaıy: rýhanııat, parasat, tanym» halyqaralyq ǵylymı-tájirıbelik konferensııasynda aıtýly ǵalymdar men bilikti mamandar jınalyp, Abaı oıynyń tereńine den qoıyp, sıpatynyń syryna úńilgeli otyr. Konferensııaǵa Túrkııa elinen, Nıderlandy koroldiginen kelgen jáne elimizdiń, óńirimizdiń aıtýly ǵalymdaryna rızashylyǵymdy bildirgim keledi. Abaı Qunanbaıulynyń rýhanı murasyn tereń zerdeleý, aqynnyń shyǵarmashylyǵy men oı-tolǵamdaryn qazirgi zaman turǵysynan qaıta paıymdaý, Abaı iliminiń ulttyq sanany qalyptastyrýdaǵy, bilim men tárbıedegi, tulǵa damytýdyń mádenı-fılosofııalyq negizi retindegi ornyn aıqyndaý úshin jınalǵan barlyq bilimpazdarǵa da danyshpannyń suraǵy ortaq dep oılaımyn», dedi aımaq basshysy.
Konferensııada Túrkııadaǵy Pamýkkale ýnıversıtetiniń professory Nergız Bıraz, Nıderlandydan kelgen túrkitanýshy Robert Ermers, fılologııa ǵylymdarynyń doktorlary Tursyn Jurtbaı, Arap Espenbetov jáne basqa da ǵalymdar baıandama jasady.
Erekshe atap óterligi, konferensııa aıasynda 9 birdeı kitaptyń tusaýkeser rásimi ótti. Sonyń biri – belgili ádebıettanýshy ǵalym, Ádebıet jáne óner ınstıtýtynyń dırektory Kenjehan Matyjanov qurastyrǵan «Abaı shyǵarmalarynyń úsh tomdyq akademııalyq jınaǵy». «Abaı» baspasynan aqynnyń mereıtoıyna oraı buryn-sońdy jaryq kórmegen birneshe kitap tanystyryldy. Ǵalym, mádenıettanýshy Bazarbek Atyǵaıdyń «Abaıdyń aýdarma mektebi» monografııasy, Shəkərim týraly estelikter men jańa derekterdi qamtıtyn «Sheıit» jınaǵy, Aqberen Elgezek, Mereı Qart, Janna Ədilbekqyzynyń qurastyrǵan Ahat Shákərimulynyń «Jalynǵa malǵan júregin» jınaǵy, Áset Medeýhanulynyń «Halıolla» hıkaıaty, Danııal Ysqaqovtyń shyǵarmalary, Shákárim ýnıversıtetindegi «Abaı jáne ulttyq rýhanııat» ǵylymı ortalyǵynyń mamandary daıyndaǵan AR «Qarasóz» kitaby oqyrmanǵa jol tartty. Bul týyndylar alǵash ret usynylyp otyr.
