Bul kún Qazaqstannyń bochcha quramasyna túrli dárejedegi bes júlde ákeldi. Ulttyq qurama sportshylary tamasha oıyn órnegin kórsetip, eki altyn, eki kúmis jáne bir qola medal ıelendi.
Altyn medal ıegerleri:
Itıana Shıngıshanova (BC2 sanaty) fınalda Ońtústik Koreıa sportshysyn 8:3 esebimen jeńip, Astana 2025 World Boccia Challenger chempıony atandy;
Baljan Bólekpaeva (BC1 sanaty) sheshýshi oıynda Irannan kelgen qarsylasyn utyp, altyn medalǵa qol jetkizdi.
Kúmis medal ıegerleri:
Azamat Aıazbaev (BC4 sanaty) senimdi oıynymen fınalǵa deıin jetip, sheshýshi synda ırandyq sportshyǵa jol berip, kúmis júldeger atandy;
Erhat Almat (BC1 sanaty) jarys boıy sheberligimen tanylyp, fınalda Ońtústik Koreıa sportshysymen kezdesti, nátıjesinde kúmis medal enshiledi.
Qola meal ıegeri:
Elmıra Mýsralıeva (BC4 sanaty) jartylaı fınalda ırandyq sportshyǵa jol bergenimen, úshinshi oryn úshin matchta BAÁ sportshysyn 9:0 esebimen oısyrata utyp, qola medalǵa ıe boldy.
25 tamyzda týrnırde erler men áıelder arasynda BC1, BC2, BC3 jáne BC4 jekeleı sanattarynda fınaldyq oıyndar ótti. Jarys 26-27 tamyz kúnderi juptyq jáne komandalyq kezdesýlermen jalǵasady.
Astana 2025 World Boccia Challenger – Qazaqstanda alǵash ret BISFed qoldaýy aıasynda uıymdastyrylyp otyrǵan halyqaralyq chellendjer. Týrnır 2028 jyly Los-Andjeleste ótetin Paralımpıada oıyndaryna irikteý kezeńiniń bir bóligi bolyp sanalady.
Astana 2025 World Boccia Challenger týrnıriniń uıymdastyrýshysy – Qazaqstan bochcha federasııasy. Joba QR Týrızm jáne sport mınıstrliginiń, Sport Qory qorynyń, «Samuryq-Qazyna» AQ-nyń, Eurasian Resources Group (ERG) kompanııasynyń jáne ózge de seriktesterdiń qoldaýymen júzege asýda.
