Foto: Ashyq derekkóz
Bul sheshim osyndaı qurylǵylardyń yqtımal zııanyna qatysty alańdaýshylyqtan týyndaǵan.
Ońtústik Koreıa Bilim mınıstrliginiń málimdeýinshe, 2025 jyldyń 1 naýryzynan bastap bastaýysh, orta jáne joǵary synyp oqýshylaryna sabaq kezinde smartfondar men uqsas qurylǵylardy qoldanýǵa tyıym salynady.
Yonhap aqparat agenttiginiń jazýynsha, el bıligi jastardyń smartfonǵa táýeldiligin azaıtý maqsatynda mektepterde mundaı qurylǵylardy paıdalanýdy shekteýge talpynyp otyr.
Aıta ketsek, 2023 jyldyń qyrkúıeginen beri Bilim mınıstrligi sabaq barysynda smartfondar men ózge de portatıvti elektrondyq qurylǵylardy paıdalanýǵa shekteýler engizip kelgen. Al jańa zańǵa engizilgen túzetýler bul shekteýlerge quqyqtyq negiz qalyptastyrýy tıis.
Sonymen qatar jańa tyıymǵa birqatar erekshelikter qarastyrylǵan. Atap aıtqanda, múmkindigi shekteýli oqýshylarǵa, tótenshe jaǵdaılarda jáne oqý úderisine qajet bolǵan jaǵdaıda qurylǵylardy qoldanýǵa ruqsat beriledi.
Osylaısha, Ońtústik Koreıa synyptarda smartfondar men sıfrlyq qurylǵylardy paıdalanýǵa shekteý qoıǵan elderdiń qataryna qosylady.
Buǵan deıin habarlanǵandaı, 2025–2026 oqý jyldarynan bastap Belgııadaǵy bastaýysh jáne orta mektepterde de mobıldi telefondar men basqa da elektrondyq qurylǵylardy qoldanýǵa jalpyulttyq tyıym engizý josparlanǵan.
