Foto: Sınhýa
Qonaqtar qatarynda – Qazaqstan Prezıdenti Qasym-Jomart Toqaev, Belarýs, Ázerbaıjan, Iran, Qyrǵyzstan, О́zbekstan, Tájikstan, Túrikmenstan, Indonezııa, Reseı memleket basshylary, sondaı-aq Armenııa, Malaızııa, Pákistan, Slovakııa jáne basqa da elderdiń premer-mınıstrleri bar. Sharaǵa sondaı-aq KHDR jetekshisi Kım Chen Yn qatysady.
Kım Chen Yn úshin bul kópjaqty halyqaralyq kezdesýge alǵash ret qatysý bolmaq.
Beısenbi kúni ótken baspasóz konferensııasynda Qytaı Syrtqy ister mınıstrliginiń ókili KHDR-ǵa kópjyldyq «dástúrli dostyǵy» úshin alǵys bildirip, eki eldiń «aımaqtaǵy beıbitshilik pen turaqtylyq jolynda» yntymaqtastyqty jalǵastyratynyn aıtty.
AQSh Prezıdenti Donald Tramp bul sharaǵa qatyspaıdy, alaıda osy apta basynda ol KHDR basshysymen kezdesýge daıyn ekenin málimdegen.
31 tamyz ben 1 qyrkúıek aralyǵynda Qytaıdyń Tıanszın qalasynda Shanhaı yntymaqtastyq uıymynyń sammıti ótedi. Oǵan 20-dan astam eldiń kóshbasshylary men 10 halyqaralyq uıymnyń basshylary qatysady.
3 qyrkúıekte Beıjińdegi Tıananmen alańynda Ekinshi dúnıejúzilik soǵystyń aıaqtalýynyń 80 jyldyǵyna arnalǵan áskerı parad ótedi. Onda Qytaı ózderiniń eń jańa qarýlaryn, sonyń ishinde gıperdybysty zymyrandar men ushqyshsyz júıelerdi kórsetedi. Eldiń qarýly kúshteriniń jańa qurylymy alǵash ret tolyq quramda tanystyrylady.
Buǵan deıin Qasym-Jomart Toqaevtyń Qytaı Halyq Respýblıkasyna resmı saparmen baratynyn habarlaǵan edik.
