Foto: SIM
Kezdesý barysynda Emomalı Rahmon eki el arasyndaǵy qarym-qatynastardyń sońǵy jyldary joǵary deńgeıge jetkenin atap ótip, Qazaqstanmen jan-jaqty yntymaqtastyqty tereńdetýdiń, strategııalyq seriktestik pen odaqtastyqty odan ári nyǵaıtýdyń mańyzyn erekshe atap ótti. Sondaı-aq ol Qazaqstan Prezıdentiniń óńirlik yqpaldastyqty kúsheıtýge baǵyttalǵan bastamalaryn joǵary baǵalap, qoldaıtynyn jetkizdi.
О́z kezeginde Murat Nurtileý Tájikstan kóshbasshysyna Qazaqstan Prezıdenti Qasym-Jomart Toqaevtyń sálemin jáne izgi tilekterin tabystap, memleketter arasyndaǵy joǵary deńgeıdegi kelisimderdiń júzege asyrylý barysyn baıandady.
Áńgime barysynda taraptar Ortalyq Azııadaǵy birlik pen yntymaqtastyqty nyǵaıtýǵa erekshe nazar aýdardy. Kórshiles eldermen teńgerimdi ári boljamdy qarym-qatynastardy damytý – óńirlik turaqtylyq pen ortaq múddelerdiń kepili ekeni atap ótildi.
Kezdesýdiń mańyzdy nátıjeleriniń biri retinde Prezıdent Emomalı Rahmon HHI ǵasyrda Ortalyq Azııany damytýǵa baǵyttalǵan dostyq, tatý kórshilik jáne yntymaqtastyq týraly shartqa qol qoıdy. Bul tarıhı qujat óńirlik seriktestikti jańa deńgeıge kóterip, turaqty damý úshin jańa kezeńniń bastalǵanyn aıqyndaıdy.
Sharttyń júzege asyrylýy ózara tıimdi ári jan-jaqty áriptestiktiń damýyna tyń serpin beredi dep kútiledi.
