«Demokratııa – bárinen buryn jaýapkershilik»

Bul sózder Qyrǵyz­stan­nyń belgili qalam­­ger­leriniń biri, shyǵar­malaryn tájik, qyrǵyz tilderinde qatar jaza­tyn Mırzohalım Karı­movtyń «Egemen Qazaq­stanǵa» joldaǵan hatynan alynyp otyr. El­basy abyroıy – el abyroıy ekenin eskerip, hatty gazet oqyrmandarynyń nazaryna usynýdy oryndy kórdik. Baýyrlasymyzdyń «demokratııa jalań yzy-chýý ne mıtıng emes, baarynan mýrda joopkerchılık ekenın elderge túshúndúró aldyńyz» degen sózderiniń astary da oıly adamǵa túsinikti dep bilemiz.  Prezıdentke arnalǵan hatta bylaı delingen: Qurmetti Nur­sul­tan Ábishuly! Siz­diń jetekshilik danysh­pan­dyǵyńyz, álemdik arenadaǵy juldyzdaı janǵan bıik abyroıyńyz, saıası aqylmandyǵyńyz týysqan qazaq halqynyń ǵana emes,  qala berdi Or­ta­lyq Azııanyń barlyq halyq­tarynyń da maqtanyshy. Nursultan dese – qazaq, qazaq dese – Nursultan dep biletin aqıqat shyndyq Qazaqstannyń tarıh paraqtaryna máńgilik óshpes altyn áriptermen áldeqashan jazylyp ta qaldy. Prezıdenttik qyzmet tizginin qolyńyzǵa alǵannan beri elińizdi álemdegi damyǵan elý memlekettiń  qataryna qostyńyz, kópultty elińizdiń dostyq-yntymaǵyn shyń­dadyńyz, demokratııa tek qana aıqaı-shý ne mıtıng emes, bári­nen buryn jaýapkershilik eken­d­i­gin elge túsindire aldyńyz.  Mem­leketti týra basqarý arqyly el-jur­tyńyzdyń turmys-tirshiligin jaqsartqanyńyzben, jetekshilik qyraǵylyǵyńyzben, qara qyldy qaq jarǵan ádildigińizben Ortalyq Azııa­nyń jáne basqa ólkelerdiń prezı­dentterine eń úzdik úlgi bolyp kele jatyrsyz. Kerek bolsa, men Sizdi búkil Or­talyq Azııa halyqtarynyń baqytyna jaralǵan tarıhı tulǵa dep sanaımyn. Álemde ártúrli qaýipti oqıǵalar bola bastaǵan qıyn zamanda Ortalyq Azııadaǵy qýatty eldiń jetekshilik tizgini Sizdiń qolyńyzda turǵany Qazaqstan úshin ǵana emes, basqa kórshi memleketter úshin de úlken kúsh-qýat. Sizge densaýlyq, ıgilik qa­laımyn! Mırzohalım KARIMOV, qyrǵyz-tájik jazýshysy. Bishkek shahary.