Foto: Vıdeodan alynǵan kadr
Oppozısııalyq PRI partııasynyń prezıdenti, senator Alehandro Moreno bıleýshi Morena partııasynan saılanǵan Senat tóraǵasy Herardo Fernandes Noronanyń qolynan ustap, artynsha janjal týyndaǵan.
Moreno áleýmettik jelide qaqtyǵystyń sebebin túsindirip, bıleýshi partııa oppozısııaǵa sóz bermeý úshin kún tártibin ózgertkenin aıtqan. Onyń sózinshe, aldymen Norona ózi ıterip, kúsh qoldanǵan.
Al Senat tóraǵasy kerisinshe oppozısııany aıyptap, Moreno oǵan óltiremin dep qoqan-loqy jasaǵanyn málimdegen. Sondaı-aq ol Moreno men tóbeleske qatysqan basqa da oppozısııa ókilderin Senattan shyǵarý týraly bastama kóteretinin jetkizgen.
Esterińizge sala keteıik, buǵan deıin Serbııada da osyndaı jaǵdaı tirkelgen. Halyq skýpshınasynyń otyrysynda oppozısııa depýtattary sessııany buzbaq bolyp, tóbeles uıymdastyryp, pırotehnıkalyq quraldar qoldanǵan edi.
