Sýret: kaz.inform.kz
О́ńirdiń bilim berý basqarmasy birinshi synypqa qabyldanatyn balalar arasynda memlekettik tildi tańdaǵandardyń úlesi turaqty ósip kele jatqanyn habarlady.
– Pavlodar oblysynda 359 mektep, 116 myńnan astam oqýshy bar. 2025–2026 oqý jylynda birinshi synypqa 11 myńǵa jýyq bala barady dep kútilip otyr. Birinshi synyptar boıynsha qazaq tilinde – 5 510, orys tilinde 5 042 synyp bolady. Mektep tabaldyryǵyn alǵash attaıtyn jetkinshekterdiń 52,2 paıyzy qazaq synyptaryn tańdaǵan. Jyl ótken saıyn Ertis boıynda qazaq tilinde oqyǵysy keletin birinshi synyp oqýshylarynyń sany artyp kele jatqanyn atap ótken jón, – deıdi oblystyq bilim berý basqarmasy basshysynyń mindetin atqarýshy Gúlmıra Bashırova.
Eger 2020 jyly bul kórsetkish 35,5 paıyz bolsa, 2023 – 43 paıyz, 2024 jyly 45 paıyz bolǵan. Bıyl birden 7,2 paıyzǵa artyp otyr. Qalaı desek te, túbinde memlekettik tildi meńgergender ozatyny sózsiz.
Pavlodar oblysy
