Kóshi-qon qyzmeti basqarmasy basshysynyń mindetin atqarýshy Araı Aıymbettiń aıtýynsha, Qazaqstan Respýblıkasynyń kóshi-qon zańnamasyn buzǵany úshin 2756 shetel azamattary ákimshilik jaýapkershilikke tartylyp (QR ÁQBtK-niń 517, 510 jáne 449 baptary boıynsha), onyń 648-i Qazaqstan Respýblıkasynyń aýmaǵynan ákimshilik jolmen shyǵarylǵan. Elden shyǵarylǵandardyń deni О́zbekstan, Tájikstan jáne Túrkmenistan Respýblıkasynyń azamattary eken.
Basqarma basshysynyń aıtýynsha, shetel azamattarynyń el zańyn saqtaýyna qabyldaýshy tarap ta jaýap beredi. Osy oraıda olardyń el aýmaǵynan ýaqtyly ketpegeni úshin 407 Qazaqstan azamaty ákimshilik jaýapkershilikke tartylypty.
«Qazaqstan Respýblıkasynyń azamattary shetel jumys kúshin zańsyz tartqany úshin, ıaǵnı QR ÁQBtK-niń 519 baby boıynsha 102 qazaqstandyq ákimshilik jaýapkershilikke tartylyp, aıyppul arqalady. 2025 jyldyń 7 aı ishinde kóshi-qon zańnamasyn buzǵany úshin jalpy 65 594 650 teńge somasynda aıyppul salyndy.
Kóshi-qon zańnamasyn buzǵan úshin QR QK-niń 392 baby boıynsha (memlekettik shekarany buzǵany úshin) 3 qylmystyq is jáne QR aýmaǵynda zańsyz kóshi-qondy uıymdastyrǵany úshin, QR QK-niń 394 baby boıynsha 8 qylmystyq is qozǵaldy», deıdi A. Aıymbet.
Jambyl oblysy
