Alǵashqy baǵytty Khan-Turan Travel kompanııasy 21 qyrkúıekten bastap júzege asyrady. Bul poıyz Almaty – Túrkistan – Tashkent – Samarqand – Buqara qalalaryn qamtıdy. Jolaýshylar úshin Taraz jáne Shymkent stansalarynda qosylý nemese túsý múmkindigi qarastyrylǵan.
Ekinshi baǵytty Turan Kazakhstan Travel 26 qyrkúıekte jolǵa shyǵarady. Ol Samarqand, Buqara, Tashkent jáne Túrkistan qalalaryn aralap, Almatyǵa qaıta oralady.
Úshinshi baǵytty Skyway kompanııasy 30 qyrkúıekte iske qosady. Poıyz Almatydan shyǵyp, Túrkistan, Samarqand, Buqara jáne Tashkent arqyly ótip, bastapqy núktesine qaıtady.
Uıymdastyrýshylardyń habarlaýynsha, jańa baǵyttardyń ashylýy Qazaqstan men О́zbekstan arasyndaǵy ortaq tarıhı-mádenı murany keńinen tanytýǵa jáne óńirlik týrızmdi damytýǵa zor yqpal etedi.
