Máýlit aıy – Muhammed paıǵambardyń dúnıege kelgen qasıetti aıy. Bıyl paıǵambarymyzdyń týǵan kúni dinı kúntizbege sáıkes 3-4 qyrkúıekke tuspa-tus kelip otyr.
Islam dini boıynsha Máýlit merekesiniń máni – Paıǵambarymyzdyń ónegeli ómirin nasıhattaý, jastardy ımandylyqqa, adamgershilikke jáne izgilikke tárbıeleý. Bul aıda oraza ustaý mindetti emes. Musylmandar úshin oraza paryz bolyp sanalatyn jalǵyz aı – Ramazan. Al Máýlit aıynda saýapty amaldar jasap, Quran oqý jáne salaýat aıtý súnnet sanalady.
«Máýlit aıy – Paıǵambarymyzdyń ónegeli ómirin nasıhattap, súnnet amaldaryn dáripteýdiń, dinimizdiń asyl qundylyqtaryn ulyqtaýdyń berekeli múmkindigi. Bul aıda meshitterde Allaǵa madaq aıtylyp, Paıǵambarymyzǵa salaýat joldanady, máýlit jyry oqylady. Salaýat aıtý – ózimiz úshin qaıyrly ári mol saýapqa jeteleıtin izgi amal. Sondaı-aq Paıǵambarymyzdyń súnnetin ustaný – Allanyń razylyǵyna jaqyndatar joldyń biri», dedi Bas múftı Naýryzbaı qajy Taǵanuly.
