Foto: Ashyq derekkóz
Búǵan qosa, 3,4 myń qyzmetkerge 1,1 mlrd teńge kóleminde jalaqy qaryzy ótelip, barlyǵy 28,4 myń jumyskerdiń quqyqtary qorǵalǵan.
О́ndiristik jaraqattaný kórsetkishi de oń dınamıkany kórsetip otyr. 2025 jyldyń alǵashqy jeti aıynda jaraqattanǵandar sany 2024 jyldyń sáıkes kezeńimen salystyrǵanda 11%-ǵa azaıyp (719 adam), qaza tapqandar sany 14,7%-ǵa tómendegen(93 adam).
«Eńbek táýekelderiniń sıfrlyq kartasy» kómegimen 94,8 myń kásiporynǵa monıtorıng júrgizilip, «qyzyl aımaqtaǵy» nysandar sany jyl basynan beri 8,9%-ǵa qysqarǵan(1 715-ten 1 562-ge deıin).
Sonymen qatar kásibı táýekelderdi baǵalaý qyzmetin kórsetetin uıymdardy irikteý kúsheıtilgen. Talapqa saı jabdyqtary men mamandary joq kompanııalar tizilimnen shyǵarylyp, olardyń sany 162-den 66-ǵa deıin azaıǵan.
Áleýmettik áriptestik júıesi de keńeıip keledi. Búginde elde Bas kelisim, 17 salalyq jáne 200 óńirlik kelisim, sondaı-aq 169 myńnan astam ujymdyq shart qoldanysta.
Eńbek zańnamasyn jetildirý baǵytynda Parlament Májilisiniń qaraýyna eń tómengi jalaqyǵa qatysty Halyqaralyq eńbek uıymynyń konvensııasyn ratıfıkasııalaý týraly zań jobasy engizilgen. Sondaı-aq eńbek qaýipsizdigi jónindegi óndiristik keńester qurý, tehnıkalyq ınspektorlardyń mártebesin zań júzinde bekitý, jospardan tys tekserýlerdiń aıasyn keńeıtý jáne eńbek qatynastaryn deklarasııalaý boıynsha jańa normalar usynylyp otyr.
Eńbekaqy tóleýdiń tıimdiligin arttyrý maqsatynda aýyl sharýashylyǵyndaǵy eńbek resýrstaryn normalaý júıesi ázirlendi. Bul aýyldyq eldi mekenderdiń damýyna, jastardy aýylǵa tartýǵa jáne halyqtyń kóship ketýin azaıtýǵa yqpal etpek. Sonymen birge memlekettik sektor uıymdary úshin eńbekti normalaýdyń biryńǵaı júıesi engizildi.
