Nege bulaı? Ábilqasymova túsindirgendeı, qazir dúkenderde taýardyń bárin bólip tóleýge alýǵa bolady. Biraq taýar qunyn birden tóleıtinder kóbine artyq shyǵynǵa túsip jatady.
«Negizinde búkil taýarlar bólip tóleýmen satylatyndyqtan, birden tóleıtin satyp alýshy úshin taýardyń baǵasy júz paıyzdy quraıdy. Ol úshin baǵa is júzinde qymbattap otyr. Sondyqtan eki baǵa bolýy kerek», deıdi ol.
Onyń aıtýynsha, bólip tóleý bank arqyly rásimdeletindikten, ol nesıe sanatyna jatady. Iаǵnı, satyp alýshy taýardy birden alǵandaǵy baǵa men bólip tóleýdegi qosymsha ústemeni anyq bilýge tıis.
«Eger ol taýardy birden alsa – bir baǵa, al bólip tóleýmen alsa, oǵan qosymsha qansha ústeme qosylǵanyn bilýi tıis. Dál sol sııaqty, nesıe alǵanda da ol óziniń paıyzdyq mólsherlemesin jáne jalpy artyq tólemin naqty somamen biledi», dep túsindirdi agenttik basshysy.
Qazir Qarjy naryǵyn retteý agenttigi basqa memlekettik organdarmen birge osy dıfferensıaldy baǵa júıesin engizý boıynsha jumys istep jatyr. Bul qadam, birinshiden, tutynýshyny durys aqparattandyrýǵa, ekinshiden, jasyryn ústemelerdi boldyrmaýǵa kómektespek.
