Áýejaıdyń baspasóz qyzmetiniń basshysy Aınagúl Saqposynovanyń aıtýynsha, reıster aptasyna eki ret, seısenbi jáne juma kúnderi qatynaıdy.
Elimizdiń batysyn Ortalyq Qazaqstanmen baılanystyratyn reıste bılet quny memleket tarapynan járdemqarjy bólinip, 25 myń teńge bolady dep belgilengen eken. Jolaýshylarǵa Scat áýekompanııasy 50 oryndyq Bombardier CRJ-200 ushaqtarymen qyzmet kórsetpek.
«Jańa reıster Batys jáne Ortalyq Qazaqstan arasyndaǵy áýe qatynasynyń múmkindikterin edáýir keńeıtýge, jolaýshylardyń yńǵaılylyǵyn jáne óńirler arasyndaǵy iskerlik, týrıstik jáne mádenı baılanystardy qoldaýdy qamtamasyz etýge múmkindik beredi. Bıletter áýekompanııanyń saıtynda jáne áýebıletterdi satatyn onlaın servısterde satylady», delingen áýejaı baspasóz qyzmeti taratqan habarlamada.
