Bul ıgi dástúr jyl saıyn balalaryn mektepke daıyndaýda qarjylaı kómekke zárý otbasylardy qoldaý maqsatynda uıymdastyrylady.
Bıyl 26 myńnan astam kópbalaly jáne az qamtylǵan otbasyndaǵy 49 500 bala kómek aldy. Olarǵa oqý quraldary salynǵan sómkeler, mektep formasy jáne basqa da qajetti zattar tabystaldy. Sońǵy úsh jyldyń ishinde atalǵan aksııa aıasynda 130 myńnan astam oqýshyǵa qoldaý kórsetildi.
«AMANAT» partııasynyń Atqarýshy hatshysy Dáýlet Káribek óziniń Instargam paraqshasynda atap ótkendeı, balaǵa degen qamqorlyq bolashaqqa salynǵan ınvestısııa.
«Memleket basshysy Qasym-Jomart Toqaev aıtqandaı, Adal azamat dál mektep qabyrǵasynda qalyptasady. Bizdiń partııanyń mindetteriniń biri – árbir balanyń sapaly bilim alýyna qolaıly jaǵdaı jasaý. Eldiń ár óńirinde partııa belsendileri myńdaǵan otbasyǵa jańa oqý jylyna daıyndyqqa kómek kórsetýde. Biz úshin bul bir rettik aksııa emes, Prezıdenttiń balalar men qıyn jaǵdaıǵa tap bolǵan otbasylardyń múddelerin qorǵaý jónindegi baǵytyn qoldaýǵa arnalǵan júıeli jumystyń bir bóligi», dedi ol.
Partııanyń 2023-2027 jyldarǵa arnalǵan «Halyqpen birge!» saılaýaldy baǵdarlamasy aıasynda keminde 1,2 mln jaıly oqýshy ornyn qurý, úsh aýysymdy jáne apatty mektepter máselesin tolyq sheshý, sondaı-aq 3 myń oqý ornyn jańǵyrtý kózdelgen. Bıyldyń ózinde baǵdarlama aıasynda elimiz boıynsha 83 mektep salyndy.
Sonymen qatar «Baqytty otbasy» jobasy sheńberinde 2024 jyly 37 myń otbasyǵa tikeleı kómek kórsetildi, memlekettik qoldaý sharalarynyń oryndalýyn qadaǵalaý maqsatyndaqoǵamdyq-partııalyq baqylaý uıymdastyryldy. Partııa bastamasymen ashylǵan Otbasylardy qoldaý ortalyqtarynda 500 ana balalarymen ýaqytsha ornalastyryldy. Qazirgi tańda mundaı ortalyqtar sany – 104. Sondaı-aq 3,4 myń áleýmettik turǵydan osal otbasy quqyqtyq kómek aldy.
