Shaǵyn aýdan turǵyndaryna keremet tartý bolǵan zamanaýı bilim uıasynyń ashylý saltanatyna qala ákimi Ǵabıt Syzdyqbekov qatysyp, jınalǵan jurtshylyqty Bilim kúni merekesimen quttyqtady.
Shahar basshysy óz sózinde Prezıdent Qasym-Jomart Toqaevtyń bastamasymen iske asyp jatqan «Keleshek mektepteri» jobasynyń mańyzy jóninde atap ótti. Sondaı-aq jańa bilim oshaǵy Tasken turǵyndaryna kópten kútken úlken qýanysh ekenin aıtty.
«Bilim alý – árbir azamattyń paryzy. Qoǵamnyń damýy bilimmen ólshenedi. О́rkenıet kóshinen qalmaımyz desek, bilimge umtylýymyz kerek. Qazaq «Bilimdiniń kúni jaryq» dep beker aıtpaǵan. Osy oraıda memleket bilim salasyn damytýǵa barynsha kóńil bólip otyr. Sonyń ishinde Memleket basshysy Qasym-Jomart Toqaevtyń bastamasymen qolǵa alynǵan «Keleshek mektepteri» jobasyn atap ótýge bolady. Onyń basty artyqshylyǵy – munda oqýshylarǵa bar jaǵdaı jasalǵan. Tolyq materıaldyq-tehnıkalyq bazamen jabdyqtalǵan. Búgingi zaman tilimen aıtsaq, «Keleshek mektepterinde» balalarǵa sapaly bilim berýge ergonomıkalyq bilim keńistigi jasalǵan. Sonymen birge jańa bilim uıalarynyń basqa da artyqshylyqtary týraly sóz qozǵasaq, birinshiden, bul mektepter tıptik jobalarǵa qaraǵanda 15–20 paıyzǵa keń bolyp keledi, al tehnıkalyq jaraqtanýy jaǵynan «Keleshek mektepteri» tórt esege joǵary turady. Osynyń barlyǵy aınalyp kelgende ustazdardyń jumysyn jeńildetip, oqýshylardyń bilim sapasyn kóterýge múmkindik beredi. Sondaı-aq bul mektepte qaýipsizdik júıeleri de nazarǵa alynǵan. О́ıtkeni qazirgi qoǵamda bala qaýipsizdigi birinshi orynǵa shyǵyp otyr. Mektepte balaǵa ustazdar jaýapty bolǵandyqtan, memleket qaýipsizdik sharasyn barynsha kúsheıtip otyr. «Keleshek mektepterinde» qaýipsizdik máselesi árdaıym birinshi orynda. Sondyqtan balanyń ómiri men onyń densaýlyǵyna qaı kezde de erekshe mán berilýi kerek. Budan bólek, oqýshylardy sapaly bilimge qoljetkizý maqsatynda tek mektep qurylysy ǵana emes, ózge de keshendi is-sharalar qolǵa alynyp jatqanyn aıta ketken jón. Máselen, Prezıdent tapsyrmasyna sáıkes keıingi jyldary qalada zamanaýı úlgide 2 Oqýshylar saraıy salyndy. Sonyń nátıjesinde Oqýshylar saraıynyń sany úsheýge jetip, mektepte bilim alyp jatqandardyń 95 paıyzy búgingi tańda qosymsha bilimmen qamtyldy. Osynyń ózi – úlken jetistik. Al jańa oqý jylynda paıdalanýǵa berilgen «Keleshek mektepterinen» bilimge qushtar, adamgershilik qundylyqtaryn boıyna sińirgen, otanshyl ári adal azamattar ósip shyǵaryna senim mol», dedi shahar basshysy Ǵ.Syzdyqbekov.
Sonymen birge Bilim kúni aıasynda megapolıstegi Telman shaǵyn aýdanynda jańadan salynǵan №152 jalpy orta mektep esigin aıqara ashty. Atalǵan bilim uıasynyń saltanatty ashylý rásimine qala ákiminiń orynbasary Sársen Quranbek qatysyp, barsha ustaz ben ata-ana qaýymyn, shákirtterdi jańa oqý jylymen quttyqtady.
«Túrli pándik baıqaýda órenderimiz joǵary nátıjeler kórsetip, Shymkent mártebesin abyroımen qorǵap júr. Bul – sanaly tárbıe men sapaly bilimniń berip jatqan jemisi. Prezıdent tapsyrmasyna oraı bilim salasyna jyldan-jylǵa erekshe kóńil bólinip keledi. Sonyń nátıjesinde shaharda jańadan bilim oshaqtary boı kóterip jatyr jáne onyń sany demografııalyq ósimge qaraı ulǵaıa beredi. Jańa mektepter qurylysy men jekemenshik bilim uıalarynyń arqasynda Shymkentte apatty jáne úshaýysymdy mektep máselesi túbegeıli sheshildi. Osynyń ózi áleýmettik problemanyń qoǵamda birte-birte azaıyp kele jatqanyn baıqatady. Bala – bolashaǵymyz. Olarǵa salynǵan ınvestısııa qashanda ózin aqtaıdy. Investısııa degenimiz – birinshi kezekte sapaly bilim. Al sapaly bilimge qol jetkizý úshin aldymen materıaldyq-tehnıkalyq baza, ınfraqurylym myqty bolý kerek. Osynaý maqsatqa jetý úshin shaharda jyl saıyn jańadan bilim oshaqtary boı kóterip keledi. Onyń barlyǵy sońǵy úlgidegi oqytý quraldarymen jabdyqtalǵan. Bilimsiz memlekettiń bolashaǵy joq. Sondyqtan osy tirliktiń bári de jarqyn keleshek úshin atqarylyp jatyr», dedi S.Quranbek.
Mektep dırektorynyń mindetin atqarýshy Gúljanar Qudaıbergenovanyń málimetinshe, jańa mektepke 650 bala qabyldandy. «Bilim ordasy jalpy 1200 balaǵa arnalǵan. Saltanatty ashylý is-sharasy barysynda qala ákiminiń orynbasary, ardager ustazdar, jalpy kópshilik jańa mekteptiń kabınetterin aralap, tynys-tirshiligimen tanysty. Jańadan boı kótergen bilim oshaǵynda oqýshylardyń sapaly bilim alýyna barlyq jaǵdaı jasalǵan», dedi jýrnalısterge bergen suhbatynda dırektor mindetin atqarýshy G.Qudaıbergenova.
Jalpy, Shymkentte bıylǵy oqý jylynda 28 myńǵa jýyq baldyrǵan mektep tabaldyryǵyn attady. Qalalyq bilim basqarmasy ókilderiniń málimdeýinshe, shaharda keıingi eki jylda 39 jańa mektep paıdalanýǵa berildi. Ulttyq joba aıasynda qosymsha 12 mektep salyndy. Eń bastysy, megapolıste bilim salasyna udaıy nazar aýdarylyp keledi. Prezıdent tapsyrmasyn oryndaý nátıjesinde Shymqalada joǵaryda atap ótkendeı, zamanaýı úlgidegi jańa mektepter paıdalanýǵa berile bastady. Odan bólek, bilim basqarmasy pedagogterdiń kásibı biliktiligin shyńdaýǵa da erekshe den qoıǵan. Bilikti ustazdardyń arqasynda oqýshylar arasynda bilim sapasy da artyp keledi. Mektep qurylysymen birge bilim salasynda eń aldymen ınfraqurylym máselesi jaqsara túskenin aıtady mamandar. Bilimmen qosa pedagogter balalardyń tárbıesi men qaýipsizdik máselesine aıryqsha nazar aýdaryp otyr. Osy baǵytta búgingi tańda qala mektepterinde kóptegen jumys atqaryldy. Sonyń ishinde birinshi kezekte barlyq bilim oshaǵynda baqylaý kameralary ornatylyp, jergilikti polısııa departamentiniń arnaıy monıtorıng qyzmetine qosyldy. Qysqasy, oqýshylardyń alańsyz bilim alýyna memleket bar jaǵdaıdy jasap otyr. Oqýshylar endi eshnársege alańdamaı, bilimge ǵana umtylýy kerek.
Qalalyq bilim basqarmasy taratqan málimetke sáıkes pedagogter ár úsh jyl saıyn biliktilik quzyrettilikterin arttyryp turady. Jáne olardyń sany jyldan-jylǵa ulǵaıyp keledi. Ustazdar sheberlikterin «О́rleý» uıymynda, Nazarbaev zııatkerlik mektebinde arnaıy kýrs oqý arqyly shyńdaıdy. Sonymen birge Ulttyq ǵylymı-praktıkalyq dene tárbıesi ortalyǵynda, «О́rken» balalardyń ál-aýqatyn arttyrý ulttyq ǵylymı-praktıkalyq ınstıtýtynda tájirıbelerin molaıtady. Jyl basynan beri respýblıkalyq jáne jergilikti bıýdjet esebinen 6502 pedagog biliktilikti arttyrý kýrsynan ótken eken.
Odan bólek, oqýshylardyń bilim deńgeıi «PISA» baǵdarlamasy men bilim alýshylardyń bilim jetistikterine monıtorıng júıesi arqyly ólshenedi. Osy atalǵan baǵalaý tetikteri 4 jáne 9-synyp oqýshylarynyń bilimderin anyqtaýǵa múmkindik beredi. Zertteýler qorytyndysynda keıingi úsh jylda mekteptegi bilim sapasy 56 paıyzdan 59 paıyzǵa ósken. Mundaı qorytyndy oqýshylardyń bilim deńgeıin anyqtaý tetikteri arqyly shyǵarylyp otyr. Iаǵnı Shymkentte oqýshylardyń bilim saýattylyǵy jyl ótken saıyn artyp keledi degen sóz.
«PISA» – oqýshylardyń bilim jetistikterin baǵalaýdyń halyqaralyq baǵdarlamasy. Atalǵan zertteý qyzmeti 15 jastaǵy oqýshylardyń matematıka, oqý saýattylyǵy jáne jaratylystaný ǵylymdary salalaryndaǵy alǵan bilimderin ómirlik jaǵdaılarda qoldana alý qabiletin anyqtaýdy kózdeıdi.
Qalalyq bilim basqarmasy mamandarynyń aıtýynsha, 2024–2025 oqý jylynda 15 639 oqýshy mektep bitirdi. Olardyń ishinde 650 túlek «Altyn belgi» ıegeri atansa, 1 115 oqýshy «Úzdik attestat» aldy. Bıyl oqýyn támamdaǵan oqýshylar arasynda «Altyn belgi» ıegerleriniń sany 41 paıyzǵa, al «Úzdik attestat» alǵandar úlesi 21 paıyzǵa artqan.
