Foto: Ashyq derekkóz
Bıyl UATO-ny negizgi qarjylandyrý kólemi 2,6 mlrd teńgege artqan, al 2024–2026 jyldary baǵdarlamalyq-maqsatty qarjylandyrýǵa jyl saıyn 9,6 mlrd teńge baǵyttalady.
Sonymen qatar zamanaýı zertteý zerthanalaryn qurýǵa jáne halyqaralyq yntymaqtastyqqa aıryqsha kóńil bólinip keledi. О́tken jyldan bastap elimizde Qytaımen birlesken bıologııalyq qaýipsizdik zerthanasy jáne dán sapasyn anyqtaıtyn zerthana jumys isteı bastady.
2025 jylǵy maýsymda organıkalyq ónimderdi sertıfıkattaý ortalyǵy jáne halyqaralyq sanıtarlyq jáne veterınarlyq standarttarǵa sáıkes tamaq qaýipsizdigi zerthanasy ashyldy. Atalǵan ortalyqtar pestısıd qaldyqtary, mıkotoksınder, aýyr metaldar jáne antıbıotıkterdi taldaýǵa múmkindik berip qana qoımaı, «jasyl» óndiris standarttaryn engizýge jol ashady.
2024 jyly Aqtóbe oblysynda Jylqy sharýashylyǵy jáne jemóndirý ınstıtýtynyń qurylýy mańyzdy oqıǵa boldy. Onyń qyzmeti – jylqy tuqymdaryn jetildirý jáne otandyq jem bazasyn damytýǵa baǵyttalǵan.
Aıta keteıik ǵylymı jobalardyń qataryna aýyl sharýashylyǵy ónimderin genetıkalyq pasporttaý, klımatqa beıimdelgen eginshilik jáne sensorlar, drondar men AI-monıtorıng júıelerin qoldanatyn «aqyldy fermalardyń» sıfrlyq modelderi kiredi. Sondaı-aq Qytaı, Nıderlandy, AQSh, Fransııa, Ulybrıtanııa jáne basqa elderdiń ǵylymı ortalyqtarymen halyqaralyq ǵylymı yntymaqtastyq júrgizilip jatyr.
2027–2029 jyldarǵa «Agri Export» (ónimderdi genetıkalyq sáıkestendirý, organıkalyq ónim óndirisi, klımatqa tózimdi tehnologııalar) jáne «Agri Future» (AgriTech-ınkýbator, «AО́K-tiń 100 jas ǵalymy» baǵdarlamasy, fermerlerdi VR/AR arqyly oqytý, jańa býyn sıfrlyq fermalar) baǵdarlamalary ázirlengen. Bul bastamalar Qazaqstannyń AО́K-in ǵalamdyq ǵylymı jelilerge ıntegrasııalaýǵa negizdep, salany tehnologııalyq serpinge shyǵarýǵa jaǵdaı jasaıdy.
Osylaısha, agrarlyq ǵylym aýyl sharýashylyǵyn jańǵyrtýdyń basty quramdas bóligine aınalyp, onyń básekege qabilettiligin, ınnovasııalyq sıpatyn jáne uzaq merzimdi turaqty damýyn qamtamasyz etedi.
«Atalǵan nátıjeler – agrarlyq sektordy qajetti resýrstarmen qamtamasyz etý boıynsha atqarylǵan jumystyń tikeleı nátıjesi. Aýyl sharýashylyǵy mınıstrligi qoldaý sharalaryn jetildirýdi, saıasattyń ashyqtyǵy men nátıjeliligin qamtamasyz etýdi jáne eń bastysy, aýyl turǵyndary men agrarlar úshin múmkindikterdi keńeıtýdi jalǵastyrady», dedi Aıdarbek Saparov.
Prezıdenttiń Joldaýyn iske asyrýda Úkimettiń agroónerkásip kesheninde júrgizip otyrǵan sharalary júıeli tásil qoldanylyp otyrǵanyn kórsetedi. Mal sharýashylyǵy men ósimdik sharýashylyǵynan bastap tereń qaıta óńdeý men ǵylymı zertteýlerge deıin turaqty damyp otyr. Investısııalyq tartymdylyq qamtamasyz etilip, ımportty almastyrý men eksportty kóbeıtýge qajetti negiz jasaldy.
