Depýtat jaz aılarynda áriptesterimen birge barlyq óńirlerde turǵyndarmen, páter ıeleriniń kooperatıvi men menshik ıeleriniń birlestigi ókilderimen, basqarýshy kompanııalarmen kezdeskenin atap ótti. Sol kezdesýlerde kóterilgen basty máselelerdiń biri – kásibı basqarýshylardyń jetispeýshiligi.
«2020 jyly turǵyn úıdi basqarýshylar naryǵy týraly zań qabyldandy. Alaıda bes jylǵa jýyq ýaqyt ótse de, naqty nátıje joq. Retteýshi organdarda naryqtyń jaǵdaıy týraly tolyq málimet joq, qansha kompanııa jumys isteıtini, olardyń quqyqtyq formasy qandaı, kásibı mártebe alǵan mamandar sany qansha ekeni belgisiz», dedi depýtat.
Smyshlıaevanyń aıtýynsha, 2023 jylǵa deıin basqarýshylardy «Atameken» UKP akkredıttegen oqý ortalyqtary daıarlap kelgen. Sol ýaqytta 25 oqý ortalyǵy ashylyp, 10 oblys pen úsh qalada mamandar oqytyldy. Alaıda keıinnen bul salaǵa qosymsha talaptar engizilip, kásibı basqarýshylardy sertıfıkattaý quqyǵyna tek arnaıy akkredıtasııadan ótken ortalyqtar ǵana ıe boldy. Qazirgi tańda mundaı ortalyqtar elde joq.
«Bul jaǵdaı kóptegen basqarýshy kompanııalar men PIK jumysyna qaýip tóndiredi. Akkredıtasııa mıllıondaǵan teńge turady, synaqtyń quny da 100 myń teńgege deıin jetedi. Onyń ústine, tájirıbeli basqarýshylardyń bári birdeı onlaın-testileýden óte almaı qalýy múmkin. Nátıjesinde biz mamandardy joǵaltyp, turǵyndar úılerin basqarýsyz qaldyrady», dedi ol.
Depýtat birqatar usynystar aıtty. Atap aıtqanda:
-
turǵyn úıdi basqarý naryǵyna jedel túrde sandyq jáne sapalyq baǵa berý;
-
akkredıtasııa ortalyqtaryn eldiń barlyq óńirinde ashyp, monopolııaǵa jol bermeý;
-
testileý baǵasyn qoljetimdi etý jáne ony mamandardyń jas erekshelikterine beıimdeý;
-
qazirgi ýaqytta berilgen sertıfıkattardyń barlyǵyn zańdy dep taný.
Smyshlıaeva ortalyq jáne jergilikti atqarýshy organdar bul máseleden shet qalmaýy keregin erekshe atap ótti.
