Krımınaldyq polısııanyń málimetinshe, jyl basynan beri Almatyda qalta urlyǵy 2,3 esege azaıǵan. Sonymen qatar bótenniń múlkin urlaý derekteriniń ashylýy jaqsardy.
Qalada uıaly telefon urlyǵy derekteri eki esege jýyq tómendedi. Mundaı qylmystardyń ashylý deńgeıi de 19,4%-ǵa artqan.
Krımınaldyq polısııa basqarmasynyń bastyǵy Talant Isaevtyń aıtýynsha, «Skýpshık» is-sharasy urlanǵan múlikti qabyldap, satýmen aınalysatyndardy anyqtaýǵa baǵyttalǵan.
«Dál osyndaı adamdar suranys týdyryp, qylmystardyń jasalýyna ıtermeleıdi. Qala turǵyndarynyń qaýipsizdigin qamtamasyz etý úshin júıeli sharalar jalǵasady», – dedi ol.
